“بعد وفاته غرقاً بـ الساحل الشمالي”.. شمس البارودي عن نجلها: «ربنا كرمه بالشهادة والسيرة الطيبة»
كشفت الفنانة المعتزلة شمس البارودي، كواليس من حياة نجلها الراحل عبدالله حسن يوسف، والذي رحل عن عالمنا غرقاً في شهر يوليو الماضي، وأشارت بأنها ووالده تقبلا أمر وفاته ولم يعترضوا على أمر الله.
وأكدت المُعتزلة، خلال تصريحاتها مع القاهرة 24: “الحمد لله أنا وحسن جوزي صحتنا كويسة وبخير حال.. اللهم صلي على سيدنا محمد، وبنحمد ربنا وبنشكره، وكنا بنزور عبدالله يوم الجمعة اللي فات، وعملنا رخامة مكتوب عليها إسمه وحطناها على قبره، وكمان حطينا زهور وزرع أخضر.. الحمد لله على كل حال”.
وواصلت شمس: “وبجد محدش فينا أنا وحسن يوسف كان قادر إنه يروح يزور قبر ابني من ساعة مماته، ومحمود ابني الكبير أخدنا معاه على بيته ورفض إننا نعيش لوحدنا في البيت، وبقالنا شهر قاعدين هناك بعيد عن بيتنا”
وتابعت الفنانة: “والحمد لله إحنا مُتقبلين وفاة عبدالله من أول يوم له في القبر، وده علشان إحنا مش ممكن نعترض أبداً على أمر الله، وعبدالله ربنا كرمه بالشهادة والسمعة الطيبة، ومحدش كلمنا بعد ما مات من كل حتة إلا وشكر فيه وجاب في سيرته إلا بالخير”.
وأنهت شمس: “وأغلب الناس بطلت تكلمني من كتر ما أنا بعيط بسبب سيرته الكويسة والكلام الحلو اللي بيتقال عنه، وكل أعضاء نادي الجزيرة إتكلموا عنه، ومش بس كده ده العمال بيقولوا إنه عمره ما طلب منهم حاجة بإسلوب مش كويس.. أكيد كل ده خير يخلينا نطمن عليه.. الحمد لله”.
وجديراً بالذكر، بأن جمهور الفنانة شمس البارودي والفنان حسن مصطفى صُدم بعد سماع خبر وفاة نجلهما عبدالله، والذي رحل عن عالمنا في شهر يوليو الماضي، غرقاً بقرية بدر في الساحل الشمالي.
