أثارت سمر أبو شقة طليقة المطرب المعروف تامر عاشور، الكثير من الجدل خلال الساعات القليلة الماضية، بعدما كشفت عن تحضيرها لمفاجأة جديدة سوف تقوم بالكشف عنها خلال الأيام القليلة القادمة.
وأكدت سمر، خلال مقطع فيديو نشرته عبر حسابها الرسمي على موقع تبادل الصور والفيديوهات “انستجرام”، موضحة: “السلام عليكم إزيكم عاملين إيه.. يارب تكونوا بألف خير وسلامة.. أنا طالعة النهاردة وحابه أقولكم عن حاجة مهمة أوي، وإستنوني إن شاء الله الفترة اللي جايه وهتشوفوا مفاجأة حلوة هتعجبكم إن شاء الله.. شكراً ليكم”.
ومن جانبه، فقد احتفل المطرب تامر عاشور يوم الثلاثاء الموافق 10 من أكتوبر الحالي، بزواجه من الإعلامية نانسي نور بأحد الفنادق الشهيرة بوسط البلد، واكتفى الفنان على حضور مجموعة من الأقارب والأصدقاء المُقربين فقط.
وتُعد هذه الزيجة الثانية، للفنان تامر عاشور بعد انفصاله عن زوجته الأولى سمر أبو شقة بشكل رسمي في شهر يونيو الماضي، بعد مرور الطرفين بمجموعة من الأزمات والخلافات خلال السنوات الماضية.
وجديراً بالذكر، فإن السيدة سمر أبو شقة أكدت مؤخراً عن صعوبة عودتها مرة ثانية لطليقها تامر عاشور، حيث أجابت عن سؤال أحد مُتابعيها على موقع التواصل “انستجرام”، بخصوص إمكانية رجوعها لطليقها، موضحة: “مفيش أي احتمالات إني أرجع لـ تامر، وده علشان أنا كان بيجي عليا أوقات مش قادرة أسمع أغانيه، ولكن حالياً بسمعه عادي لأن بنتي أيام بتطلب مني إننا نسمعه”.
وواصلت أبو شقة: “بنتي أيام عندها دلوقتي 5 سنين، وبتشوف أبوها وهو بياخدها، ومش بفكر دلوقتي في الجواز ومش بفكر حتى في الإرتباط بأحد، وإحنا إتجوزنا 5 سنين، واللي يخلي الست منا متفكرش إنها ترجع لطليقها مرة تانية تغيير المشاعر وكسر الوعود، وبجد الحاجات دي بتخلي الست منا متفكرش ولو لثانية في العودة لطليقها مهما حدث”.
