سلوى عثمان: حاطة بند في عقد جوازي إن شغلي خط أحمر ومينفعش جوزي يقولي سيبيه

حلت الفنانة القديرة سلوى عثمان، ضيفة على الإعلامية ياسمين عز، في حلقة أمس الخميس من برنامج “كلام الناس” الذي يعرض عبر قناة “MBC مصر”.

وردًا على سؤال مقدمة البرنامج “اتجوزتي بدري ولّا خدتي وقتك في الفن وبعدين اتجوزتي؟” لتجيب: “لأ أنا اتجوزت مش بدري ومش متأخر.. اتجوزت يعني فترة كده قصيرة وبعدين حصل انفصال وقعدت فترة وبعد كده اتجوزت أسامة زوجي الحالي”.

وأضافت: “فأنا في الأول شغلي بالنسبة لي خط أحمر مع أي حد اتجوزه.. مفيش حد يقدر يقولي أنا ببقى بنتفق إن أنا عمري ما هسيب شغلي.. حاطة بند في عقد الجواز ساعتها المأذون قال لو عايزين أي بند تقولوه أو شروط أو كده قولوها فقولتله إن أنا عايزة ما أسيبش شغلي.. فكتب هو على فكرة اللي قال هو اداني الفكرة قالي لو عايزة أي حاجة تتكتب قولتله أه اكتبلي إن أنا ما أسيبش شغلي وكتب بس هو أصلًا أنا جوزي من غير كتابة ومن غير أي حاجة هو حابب الشغل بتاعي.. هي جت عارفة زي لقطة كده المأذون قالها فقولت ماشي”.

وتابعت: “لكن هو أسامة الحقيقة متفهم شغلي ومتفهم إن أنا في أوقات رمضان والكلام ده وبيبقى عندنا ساعات بنطبق بيبقى عندنا شغل بنكمل للصبح وحاجات كده فهو عنده فكرة بده ومحتوي الموضوع جدًا وبصراحة أنا برضه ما بأثرش معاه مش معنى إن أنا مشغولة فمعرفش عنه حاجة أو ما أعرفش عن هدومه حاجة أو أكله ولّا شربه لأ كله بيبقى برضه أنا فاهمة بظبط نفسي إزاي يعني عندي ترتيب لحياتي بحيث إن أنا ما أثرش معاه في حاجة”.


قد يهمك:

عن الكاتب:
اترك رد


جميع المحتويات المنشورة على موقع نجوم مصرية تمثل آراء المؤلفين فقط ولا تعكس بأي شكل من الأشكال آراء شركة نجوم مصرية® لإدارة المحتوى الإلكتروني، يجوز إعادة إنتاج هذه المواد أو نشرها أو توزيعها أو ترجمتها شرط الإشارة المرجعية، بموجب رخصة المشاع الإبداعي 4.0 الدولية. حقوق النشر © 2009-2025 لشركة نجوم مصرية®،جميع الحقوق محفوظة.