قامت رشا العدل ابنة الفنان الراحل سامي العدل، بتوجيه رسالة مؤثرة لوالدها في ذكرى ميلاده، والذي حل علينا اليوم الخميس الموافق 2 من شهر نوفمبر، وأشارت بأنها في غاية الحزن بعد رحيله عنها.
ونشرت رشا، صورة لها برفقة والدها خلال حسابها الرسمي على موقع التواصل الإجتماعي “فيس بوك”، وعلقت على الصورة وكتبت: “عيد ميلاد مين الليلة.. عيد ميلاد قمر العيلة، وبجد إنت قمر حياتي كلها وشمسها ونجومها، وإنت كل حاجة حلوة في حياتي وسبب وجودي في هذه الدنيا، وكل ده بالرغم من إنك سبتني ومشيت كل السنين اللي فاتت، وحقيقي حاسه إني تايهة في غابة”.
وواصلت ابنة العدل: “مش ناوية أرخم عليك في عيد ميلادك.. كل سنة وإنت طيب يا حبي الأكبر.. كل عام وإنت في بالي وقلبي وعقلي وروحي قاعد ومربع.. كل عام وأنا بحبك واشتياقي ليك بيزيد، وبجد فراقك صعب عليا أوي لأنك شخصية صعب إنها تتكرر تاني بالحياة.. ملكش زي ملكش بديل”.
وأنهت رشا سامي العدل: “حقيقي مش عارفة أعوض بعدك وعدم وجودك ده مهما عملت، وكان نفسي أوي تكون موجود معايا لحد دلوقتي، والله أجري عليك وأترمي في حضنك، وساعتها إنت هتفهم أنا عاوزه أقول إيه لوحدك على العادة.. وحشتني أوي يا ضهري وسندي وعزي.. كل سنة وإنت حياتي.. ربنا يرحمك ويغفر ليك يا روح روحي وقلب قلبي من جوه”.
وجديراً بالذكر، بأن رشا سامي العدل تحدثت مؤخراً عن كواليس اللحظات الأخيرة في حياة شقيقها المخرج أحمد سامي العدل، والذي رحل عن عالمنا منذ أسابيع، حيث قامت شقيقته بنشر صورة لها تجمعها به خلال حسابها الرسمي على موقع التواصل الإجتماعي “فيس بوك”، وعلقت على الصورة: “ساعة الغروب كنا قاعدين على البحر في دهب، وبنضحك شوية ونعيط شوية معا بعض، وبنقول لبعض قد إيه الدنيا وحشة من غير بابا وقد إيه الحياة صعبة، وفضفضنا ووعدنا بعض بحاجات كتيرة”.
