حل المطرب والملحن رامي صبري، ضيفًا على النجم أمير كرارة، في حلقة أمس الخميس من برنامجه “سهرانين” الذي يعرض عبر قناة “ON E”.
رامي صبري: ابني عنده حصالة محوش فيها 30 ألف جنيه.. ومامته ساعات تخش تقلّبه في 3 أو 4 تلاف
وكشف رامي، خلال الحلقة الكثير عن حياته الشخصية والفنية، حيث قال عن نجليه التوأم عمر وعلي: “مفيهومش من بعض الاتنين عكس بعض تمامًا.. يعني علي شبههي في الشخصية وعمر شبه مامته”.
وأضاف: “مالهومش علاقة ببعض يعني عكس بعض تمامًا.. أنا مش مخليهم بعيد عن الكورة خالص هما كده كده بيحبوا الكورة.. وأنا على طول عايش تنس أنا بحب التنس جدًا.. علي وعمر بيحبوا الكرة جدًا.. علي بيحب حاجات مالوش علاقة بعمر.. ده بيحب أكل مالوش علاقة بده.. ده عنده طموح في حتة وده لأ.. ده عصبي وده هادي ده بيحب الفلوس ده مبيحبش الفلوس”.
وتابع: “مالوش حل عمر ده.. ده بقى عنده حصالة كده محوش فيها مثلًا بتاع مثلًا 30 ألف جنيه وهو لسه عنده 10 سنين.. ياخد مني مثلًا 100 دولار.. ألف جنيه ألفين جنيه.. حد يديله خمسة.. حد يديليه عشرة فيقعد يلم فتلاقيه مثلًا عنده إيه.. يعني مامته ساعات تخش تقلّبه مثلًا في 3 أو 4 تلاف جنيه.. والله العظيم بيسألها تاني يوم.. مامي كان فيه فلوس هنا انتي خدتيهم مني الشهر اللي فات أنا عايزهم.. التاني ولا فارق معاهم ولا عايز فلوس.. هو عامل زيي في الحتة دي”.
