نشرت الفنانة رحمة حسن، عبر حسابها الرسمي على موقع تبادل الصور والفيديوهات “انستجرام” سكرين شوت لرسالة غريبة من أحد المعجبين.
وهي الرسالة التي يهنئها فيها بعيد ميلادها، ويطلب منها أن يكون صديقًا مقربًا لها، واتضح من رسالته أنه يعرف الأماكن التي تزورها، والمكان الذي تعيش فيه.
وطالبها المُعجب في رسالته الغريبة، أن لا تنشر صور لها مع أي رجل، حيث قال: “أنا بصراحة بتضايق لما بشوفك مع راجل صورة مهرجان القاهرة السينمائي، وفيديو سابع جار مع عمرو عابد، عشان بغير عليكي أرجوكي ما تعمليش شير ليها”.
وعلقت رحمة، على الرسالة التي نشرتها قائلة: “الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات”.
وأضافت: “لو نزلت صورة أو حاجة معاهم بيدخل يبعت لهم.. وحتى الناس اللي بشتغل معاهم أو أصحابي في العادي بيدخل يدور على الأكونتات بتاعتهم ويبعتلهم أغاني وحاجات غريبة”.
وتابعت: “ويسأل عني أنا فين وبروح فين.. وكل أصحابي مش واحد بس… عمل كده مع أكتر من حد.. متتبع الأماكن اللي بروح فيها ومش عارفة بيعرف منين.. بقالي سنتين على الحال ده آخرها المكان اللي كنت مفروض أروحه بكره علشان شغل”.