روت الفنانة نورهان منصور، واقعة تعرضها للتحرش، وطريقة تعاملها مع الموقف، حيث قالت في تصريحات تليفزيونية: “فيه واحد اتحرش بيا قبل كده فضربته.. ووقتها كان رد فعلي تلقائي”.
وتطرقت نورهان، للحديث عن دخولها المجال الفني، قائلة: “أنا درست مسرح.. بس كنت حابة أشتغل ورا الكاميرا عكس أختي رانيا اللي م البداية كانت عايزة تمثل”.
وأضافت: “رانيا هي اللي ساعدتني على دخول التمثيل.. ولما كانت بتعمل دور الأخت في مسلسل (نصيبي وقسمتك) الممثلة التانية أعتذرت في آخر وقت.. فالمخرج قال طالما رانيا ليها أخت توأم ما نطلعهم توأم وأنا اللي أعمل الدور”.
وتابعت: “كان تحدي صعب جدًا لإني مالحقتش أحضر للشخصية خالص.. واتفقوا معايا ع الدور قبل التصوير بيومين واتبسطت أوي بردود الفعل بعد عرض الحلقات”.
وعن علاقتها بشقيقتها التوأم الفنانة رانيا منصور، قالت: “إحنا أصحاب جدًا وهي بالنسبة لي صديقتي المفضلة.. وعلاقتنا ببعض جميلة جدًا.. وفيه مواقف كوميدية كتير بنتعرض ليها بسبب الشبه الكبير اللي بينا”.
وأردفت: “أنا شخصية ملتزمة ومنظمة بزيادة.. وأهم حاجة في حياتي إني أكون على اتصال قوي بربنا.. وده بيفرق أوي معايا وبحس بدعم ربنا ليا.. ولما بقصر في برجع بشوق كبير”.
وأكملت: “دور أهلي في الدعم قوي جدًا.. يعني عمرهم ما كانوا بيتدخلوا في اختياراتي أنا ورانيا.. حتى في الحاجات المصيرية وده خلانا على قدر المسئولية دايمًا”.
