حلت الفنانة والراقصة الاستعراضية الكبيرة نجوى فؤاد، ضيفة على الإعلامية داليا فؤاد، مقدمة برنامج “ضرب نار” الذي يذاع عبر قناة “القاهرة والناس” خلال شهر رمضان الجاري.
نجوى فؤاد: لو عندي فلوس دلوقتي أنتج فيلم هنتجه لحمو بيكا
ووجهت مقدمة البرنامج سؤالًا إلى نجوى فؤاد، قالت فيه: “صوت بيزعجك وما بتحبيش تسمعيه خالص؟ حمو بيكا – حسن شاكوش – كزبرة وحنجرة.. تعرفي كزبرة وحنجرة؟” لترد الفنانة الكبيرة بتلقائية: “أعرف الكزبرة بحطها في الطبيخ”.. لتقول لها داليا: “لأ ده غير الكزبرة بتاعت الطبيخ وحنجرة ده حاجة تانية خالص”.. لتجيب نجوى: “حنجرة ده عمري ما سمعته”.
وقالت نجوى: “حنجرة ده عمري ما سمعته.. وأسمع عن حمو بيكا وأنصحه إنه يمثل فقط.. ولو إن أنا ما بعارضش الجماعة دول إنهم ياكلوا عيش ويشتغلوا ولون حلو.. وأنا مش ضد أي فنان حتى لو ما كانش عنده موهبة يمكن ربنا عامله الحتة دي عشان ياكل منها عيش ويربي أسرته لكن حمو بيكا أفضل إنه يمثل.. هينجح والله والله أنا لو عندي فلوس دلوقتي أنتج فيلم هنتجه لحمو بيكا لإنه شخصية حلوة”.
وسألتها مقدمة البرنامج: “بتسمعي حسن شاكوش؟” لترد عليها نجوى فؤاد قائلة: “في حاجة حلوة بنت الجيران دي عجبتني لكن بعد كده ما تتبعتوش”.
وعن المطربين الذين تسمعهم نجوى فؤاد، قالت: “بسمع وائل جسار وتامر حسني طبعًا حلو أوي وعمرو دياب طبعًا قريب مننا يعني شوية”، لتسألها مقدمة البرنامج: “بتسمعي ويجز؟” لترد عليها قائلة: “لا ما أعرفش ويجز ما سمعتوش عشان ما أقولش وحش ولّا حلو”.
