قام الفنان المعروف مصطفى هريدي، بالهجوم على المخرجة إيناس الدغيدي، مشيراً بأنها كانت السبب في السمعة السيئة التي أحاطت به، بسبب تصريحاتها عنه بعد فيلم “مجنون أميرة” الذى شارك فيه والتي قامت بإخراجه.
وأكد الفنان، من خلال تصريحات تليفزيونية:ـ “أنا عمري ما قولت عنها حاجة وحشة طول السنين اللي فاتت، ولا ذكرت اسمها لا في لقاء ولا في صحافة ولا في اعلام ولا أي حاجة خالص، ولا حتى جت سيرتها في أي مكان وأنا شتمت فيها، ولكن بعد الفيلم بتاعها وبعد الإساءة اللي خدتها.. في شغل كتير مكنتش بترشح له بسبب سمعتي السيئة، واللي طلعت عليا بعد الفيلم بتاعها”.
وواصل هريدي:ـ “وأنا ساعتها سافرت 4 سنين للأردن وبعدت عن الأنظار، ولما رجعت قولت إن الناس نسيت، والوسط الفني يكون نسي هو كمان التصريحات بتاعتها والكلام اللي قالته عني”.
وتابع الفنان:ـ “وبعدها اتفاجئت إنها موجودة بأحد برامج التوك شو، وبتتكلم عني تاني وبتقول كلام مش كويس يُعاقب عليه القانون.. يُعد سب وقذف في حقي، وده بعد ما عدى 7 سنين على الفيلم، وهو ده معقول إن مخرجة تحط فنان في دماغها بالشكل ده؟، وتقعد طول الفترة اللي فاتت تشتم وتسيئ له؟”.
وأنهى مصطفى حديثه:ـ “أنا لحد دلوقتي مخدتش ضدها إجراء قانوني، وكان ممكن أعمل كده بس أنا رفضت، وده علشان قضاء ربنا أقوى بكتير من قضاء البشر”.
وجديراً بالذكر، بأن الخلاف القائم بين مصطفى هريدي وإيناس الدغيدي، بعد تقديم فيلم “مجنون أميرة”، والمشاهد الجريئة التي قدمها الفنان بالعمل.
تليجرام فيسبوك الاتصال بنا من نحن الخصوصية فريق العمل حقوق الملكية EN