استضافت الإعلامية ياسمين عز، في حلقة أمس السبت من برنامج “كلام الناس” الذي يعرض عبر قناة “MBC مصر”، الفنان مصطفى حشيش في لقاء مميز.
مصطفى حشيش: أمي قعدت 30 سنة بعد وفاة أبويا تغسله هدومه وتكويها كل جمعة
وهو اللقاء الذي كشف خلاله حشيش، العديد من الأسرار حول حياته الخاصة ومشواره الفني، حيث تحدث عن نشأته ورحيل والده وما كانت تفعله والدته بعد وفاة الأب، قائلًا: “أبويا ميت سنة 75.. كان عنده 65 سنة.. أمي ربنا يديكي عمرها يارب كده ميتة 2007 عن 93 سنة.. يعني من سنة 75 هقول لـ 2004 كان عندها مثلًا 90 سنة.. كل يوم جمعة تطلع هدومه من الدولاب تغسلهم وتخلي حد يكويهم وتسكنهم تاني في الدولاب بنفتالين.. كل جمعة الكلام ده من سنة 75 لسنة 2004 مثلًا يعني مثلًا 30 سنة”.
وأضاف: “ولغاية ما كانت بتقدر تتحرك وهي فيها صحة كل جمعة من بعد صلاة الجمعة لغاية العشا هي عنده في المقابر.. أنا من قرية في المنوفية اسمها جنزور في محافظة المنوفية.. في القرية عندنا المقابر بره البلد شوية فتروح من بعد صلاة الجمعة لغاية العشا.. وترجع بعد العشا لوحدها.. بتقوله إيه بتقعد تعمل إيه.. لغاية بقى مبقتش تقدر تمشي فأي حد من أحفادها شافت ما شاء الله عقبالك كده الجيل الرابع يوديها بالعربية.. مش تطل عليه من بعد صلاة الجمعة للعشا.. هي ويودوها ويجيبوها.. بتعملي إيه مفيش هي لوحدها قاعدة معاه فده اللي أنا اتربيت عليه”.
