حل المطرب محمد قماح، ضيفًا على الإعلامي سعيد جميل، في حلقة أمس الأربعاء، من برنامجه “أنا سعيد” الذي يعرض عبر قناة “القاهرة والناس”.
وكشف قماح، خلال الحلقة الكثير من الأسرار عن حياته الفنية والشخصية، وحكى كواليس تقديمه لبرنامج اكتشاف المواهب “ستار أكاديمي”، حيث قال: “الموضوع جه إن أنا كنت بتكسف جدًا وأنا صغير فدخلت ستار أكاديمي كان عندي 17 سنة فكنت بلحن بس في الوقت ده وبعزف مزيكا وأورج في المدرسة ووقتها كنت لسه طالع بقى مخلص ثانوية وداخل في أولى جامعة وأصحابي كان ساعتها مسمع أوي البرنامج فأصحابي بيقولولي في بنات ممكن ننزل نظبطهم”.
وأضاف: “أنا رايح جاي بالجيتار بتاعي وحطيت الأول البتاع ادوني بتاع كده استمارة كانت بـ 15 جنيه.. كل الناس اشتريتها وهي كانت المفروض ببلاش فراحوا هما الناس اشتريتها واحد جه اشتراها وباعها سوق سودا للناس.. فاشتريتها بـ 15 جنيه وقتها وبعد كده ادوني بتاعة كده حطيتها هنا رقم ودخلت.. فأنا كنت داخل مكنتش سامع عن البرنامج أوي لأنه كان لسه في البداية فالمهم كنا رايحين نقضيها وأصحابي رايحين فاكرين إنهم هيخشوا بقى فدخلت أنا في الآخر وهما ما دخلوش”.