محمود حافظ: إيه اللي حرم الفن؟ إحنا بنتعب في شغلنا وما بنعملش حاجة تغضب ربنا

رفض الفنان محمود حافظ، الآراء التي تتحدث حول حرمانية الفن، حيث كشف عن موقفه قائلًا أن الممثل لا يفعل شيئًا من المحرمات.

وفي تصريحات صحفية أدلى بها منذ ساعات قليلة، قال الفنان محمود حافظ: “إيه اللي حرم الفن؟ إحنا بنتعب في شغلنا جدًا الحمد لله وما بنعملش أي حاجة تغضب ربنا أو من المحرمات يعني”.

وأضاف: “الناس ما شافتناش على حقيقتنا في شغلنا.. كل واحد بيشتم من ورا الشاشات زي اللي ع السوشيال ميديا.. فبتشتموا فينا ليه؟ إحنا بني آدمين بنفرح وبنزعل وعندنا أسرنا وأولادنا وحياتنا”.

وتابع: “ربنا يسامح اللي بيشتمنا.. وكل اللي أقدر أقوله إن ربنا سبحانه وتعالى قال (مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)”.

وعن تعاونه مع المخرج محمد أمين، في فيلمه الجديد “أصل الحكاية”، قال الفنان محمود حافظ: “لما بسمع اسم المخرج محمد أمين ببقى حابب جدًا أنضم للعمل اللي بيكون فيه لإن ده شرف ليا.. أنا تابعت كل أفلامه وأشتغلت معاه في فيلم (200 جنيه) وحابب أكرر التعاون معاه من جديد”.

فيلم “أصل الحكاية” بطولة: شيري عادل، وخالد الصاوي، وبيومي فؤاد، وهالة فاخر، ومحمد ثروت، وكريم عفيفي، وعابد عناني، وجيسيكا حسام، وعلاء مرسي، وإيمان السيد، ومحمد محمود، ويوسف عثمان، من تأليف وإخراج: محمد أمين.

الجدير بالذكر أن آخر أعمال الفنان محمود حافظ، مسلسل “بابا المجال” الذي عرض في شهر رمضان الماضي.