بالفيديو.. إسماعيل فرغلي يبكي على الهواء: خليكوا مع ربنا هتلاقوا الدنيا سلكت

حل الفنان إسماعيل فرغلي، ضيفًا على برنامج “الستات” الذي تقدمه الإعلاميتين مفيدة شيحة، وسهير جودة، ويذاع عبر قناة “النهار”.

بالفيديو.. إسماعيل فرغلي يبكي على الهواء: خليكوا مع ربنا هتلاقوا الدنيا سلكت

وكشف إسماعيل، خلال الحلقة عن الصعوبات التي مر بها في حياته، ولم يتمالك دموعه وانهار من البكاء أثناء حديثه عن بداية حياته الفنية.

وقال إسماعيل: “يوم برنامج حسين ع الهوا ما جه أنا كنت بلعب درامز وتعبت م السهر فقولت أروح أعمل عمرة وأعتزلت فربنا كرمني بالعمرة.. والله العظيم أول ما نويت لقيت تليفوني بيضربلي هتطلع تعمل عمرة.. كده”.

وأضاف إسماعيل: “وخلاص بقى مفيش.. جنيه في كوباية نص جنيه فين جمعنا بالعافية تمن علبتين كشري أقسم بالله.. سيبنا واحدة للبنت وأنا ومراتي كلنا علبة.. ويجي تليفون برنامج حسين ع الهوا.. فأنا جريت عشان لو مردتش مفيش رصيد أكلم اللي بيتصل.. المهم قالولي عايزينك عند طارق نور في شارع نوال.. وأنا لا معايا فلوس أخد تاكسي والعربية لو عطلت المهم بقيت ماشي والله أنا بقولها كده عشان أقول للناس خليكوا مع ربنا وقولوا الحمد لله هتلاقوا الدنيا سلكت سواء ممثل أو غير ممثل”.

وتابع إسماعيل: “بقيت ماشي بالعربية معرفش ماشي إزاي وبقول يارب.. في شارع نوال لقيت واحد طالع وبيقولي اركن زقيتها وركنت وطلعت مضيت وخدت عربون 200 جنيه”.

الجدير بالذكر أن الفنان إسماعيل فرغلي، شارك في الموسم الرمضاني الماضي بمسلسل “مكتوب عليا”.

“مكتوب عليا” بطولة: أكرم حسني، وعمرو عبد الجليل، وأيتن عامر، وهنادي مهنا، وإسماعيل فرغلي، وحنان سليمان، ومحمد طعيمة، ومحمود السيسي، وهلا رشدي، وبسنت النبراوي، وأسامة عبد الله، وعزة لبيب، وجهاد عصام، والطفلة هنا زهران، وعدد كبير من ضيوف الشرف، من تأليف: إيهاب بليبل، وإخراج: خالد الحلفاوي.


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.