حلت الراقصة المعتزلة هندية، ضيفة في حلقة أمس الأحد، من برنامج “كلام الناس” الذي تقدمه الإعلامية ياسمين عز، ويعرض عبر قناة “MBC مصر”.
وكشفت هندية، كواليس خلافاتها مع أهلها بعد أن اشترت شقق بأسمائهم من أموالها الخاصة، حيث قالت: “لما روحت اشتري الشقق.. كتبت شقة باسم اخويا.. وشقة باسمي.. وشقة باسم ابن أخويا.. جه أخويا قالي أنا محتاج شقة منهم عشان ابني يتجوز الأول قالي أنا عايز فلوس سلف.. قولتله الحقيقة أنا معنديش فلوس سلف لإني لسه واخدة 3 شقق.. فقالي طب ممكن تديني شقة منهم بعد فترة.. قولتله أوكيه فأديته شقة حتى طليقي قالي هتخسروا بعض وهتبقى فيه مشكلة صدقيني قولتله لأ مالكش دعوة دول أهلي.. قالي صدقيني الفلوس بتضايق وبتخسر الناس بعض.. قولتله مالكش دعوة أنا بحب أهلي.. المهم ما سمعتش كلامه وغلطة طبعًا”.
وأضافت: “المهم اديته الشقة.. بعد فترة قالي ممكن تديني شقة تانية فاديته الشقة التانية فقولت ده في موقع صحفي وما جبتش سيرة ولاد اخويا التاني.. دول سرقوني خدوا الشقق مني وباعوها.. أنا ما جبتش سيرة ولاد أخويا التاني اللي ما خدوش بقى.. هما ما خدوش.. ولاد أخويا اللي هو مات من سنة ونص ده.. ولاده ما خدوش حاجة فمتضايقين إزاي ما خدوش حاجة.. فراحوا عملوا إيه بقى أنا عندي شقة بيت في شبرا كده فأختي جت من بره قالتلي أنا معنديش مكان أقعد فيه فقولتلها أقعدي فيه يا حبيبتي.. قالتلي معنديش فرش.. قولتلها أقعدي على فرشي مفيش مشكلة”.
وتابعت: “كنا قاعدين مرة بناكل وحاطين حاجة زي ترابيزة صغيرة كده زي طبلية بس هي مش طبلية.. قاعدين بناكل وفجأة لقيت الشباك إحنا في دور أرضي.. طاخ طاخ طاخ وماسك سكينة في أيده.. ده اللي هو ما خدش.. وأنا هعمل فيكي وهسوي فيكي ومش هدخلك الشارع ومش هدخلك المنطقة.. وأنا إيه بقى في المنطقة هناك كل الشارع لإن أنا متربية هناك ومسقط رأسي زي ما بيقولوا يعني وكل الشارع بيحبوني وبيقدروني جدًا وأنا بحبهم جدًا.. الناس نفسها بقت واقفة مذهولة م اللي بيحصل.. دخلنا في سكة روحت بقى عملت محضر لإني لقيته ماسك سكينة فعلًا.. وراح عاملها كده لإن إحنا دور أرضي.. الحمد لله مجاتش فيا واضطريت إن أنا أروح أعمل محضر في القسم”.
تليجرام فيسبوك الاتصال بنا من نحن الخصوصية فريق العمل حقوق الملكية EN