هبة عبد العزيز: الرجالة ما اتربوش بما فيهم أخواتي.. ده أخويا مستحيل يشيل كوباية إلا لو مراته بتموت

حلت الفنانة هبة عبد العزيز، ضيفة على الإعلامي سعيد جميل، في حلقة أمس الأربعاء، من برنامجه “أنا سعيد” الذي يعرض عبر قناة “القاهرة والناس”.

وشنت هبة، هجومًا حادًا على الرجال في تصريحات أثارت بها جدلًا واسعًا على مواقع التواصل الاجتماعي، حيث قالت: “الرجالة ما اتربوش.. بكل صراحة.. الرجالة اتربت غلط فطلعوا مش متربيين”.

وأضافت: “أنا بنت على 3 ولاد.. أنا أصغر واحدة.. وأنا معاك سوء التربية مصدره الأم.. في عندنا حاجة من النشأة غلط وأنا هقولك جاية منين.. يعني مثلًا هتلاقي إن الأم هي اللي بتعلم بنتها إزاي توضب سريرها إزاي تنظم حياتها فالحاجات الصغيرة دي بتعلمها إزاي تبقى مسؤولة وإزاي تعتمد على نفسها.. في حين إن إحنا ما بنعملش مع الولد كده.. الولد ممكن يقوم من على سريره يروح الجامعة ويسيب الدنيا متبهدلة ويسيب كوباية الشاي تحت السرير.. ما هو الحاجات الصغيرة دي بتطلع بني آدم غير مسؤول.. فده سوء التربية أه من الأم”.

وتابعت: “أقولك حاجة.. الرجالة ليه بيخافوا م الجواز؟.. عشان المسؤولية عشان هو مش متعود ع المسؤولية.. بص في حاجات شخصية بتبان من وانت صغير.. وفي رجالة خايفة تتجوز وبتتجوز كبيرة عشان خايفين من المسؤولية”.

وردًا على سؤال مقدم البرنامج الذي قال فيه: “طب أكيد العيلة عندكوا فيها رجالة هل بينطبق عليهم الكلام ده؟”، لترد قائلة: “كلهم.. بما فيهم أخواتي ما تقلقش ما اتربوش.. يعني أنا أخويا مثلًا مستحيل يشيل كوباية من مكانها إلا لو مراته تعبانة وبتموت”.