حل الفنان الكبير حسن يوسف، ضيفًا على الإعلامية ياسمين عز، مقدمة برنامج “كلام الناس” الذي يذاع عبر قناة “MBC مصر”.
حسن يوسف: سألت الشيخ الشعراوي هل الفن حرام ولازم أعتزل؟ فكان هذا رده
وتحدث يوسف، خلال الحلقة عن علاقته بالشيخ محمد متولي الشعراوي، الذي جسد قصة حياته في مسلسل تليفزيوني ناجح باسم “إمام الدعاة” عرض في 2003.
وقال يوسف، أنه عندما أخبر الشيخ الشعراوي، بتفكيره في الابتعاد عن التمثيل لأن هناك أشخاص يقولون أنه حرام، فرد عليه الشيخ الشعراوي قائلًا: “الحرام في اللي انت بتعمله دلوقتي الكوباية اللي قدامنا فيها إيه فيها شاي.. واحد غيرنا بيشرب في نفس الكوباية خمرة العيب على الكوباية ولّا العيب على اللي فيها.. قالي أنت خليك في الفن بس بدل ما تعمل بقى التلميذة وتركب العربية السبور وتمشي تعاكس شادية وتعاكس سعاد حسني اعمل حاجات قول فيها كلمة طيبة مش لازم تقول قال الله وقال الرسول بس قول كلام طيب يعني ربنا رزقك بعربية مش عشان تعاكس بيها البنات تساعد بيها واحدة غلبانة تقولك والله يا ابني عايزة اروح شبرا ومش لاقية مواصلة خدها معاك وصلها واديها اللي فيه النصيب كده حاجات كده”.
وأضاف يوسف، قائلًا: “كان نصيحته في دماغي أوي قالي بعدين اعمل يا اخي أئمة الإسلام فكان صديقي بقى الله يرحمه مطيع زايد، قولتله طب ما تيجي نعمل الشيخ الشعراوي أولًا صاحب الاقتراح يعني قالي ياريت بدأنا بقى نشتغل في الشيخ الشعراوي، وكان أول مسلسل سيرة إمام باللغة العامية مكانش بقى باللغة العربية الفصحى يعني.. فالناس بقى ما شاء الله أقبلت على المسلسل بشكل فظيع مكنتش أتصوره يعني خالص الحمد لله رب العالمين.. قولت بركة الشيخ بقى”.
وتابع يوسف: “وإحنا في المسلسل اعتقد الزملاء اللي كانوا معايا منال سلامة ومحمد عبد الجواد.. كل الشلة اللي كانت موجودة كانوا يقولولي يا أستاذ حسن في حالة سكون كده في الاستوديو مش عوايد المسلسلات ما إحنا ملوك الدراما.. في حالة سكون قولتلهم أصل الشيخ معانا الشيخ بيطل علينا دلوقتي”.
حسبنا الله ونعم الوكيل