غادة عبد الرازق: عملت عملية تجميل وبوظت وشي

حلت الفنانة غادة عبد الرازق، ضيفة على الإعلامية ياسمين عز، مقدمة برنامج “كلام الناس” الذي يذاع عبر قناة “MBC مصر”.

غادة عبد الرازق: عملت عملية تجميل وبوظت وشي

وتحدثت غادة، خلال الحلقة عن كواليس خضوعها لعملية تجميل كادت أن تشوه وجهها، حيث وجهت لها مقدمة البرنامج سؤال: “في وقت تقولي أنا عايزة أعمل رتوش المحافظة ولّا لو مفيش مسلسل تقولي عايزة أقعد براحتي ما أعملش أي رتوش؟” لترد عليها قائلة: “حسب الدور لو الدور متطلب مني ما ألعبش في أي حاجة في ملامح وشي ما أعملش أي حاجة حتى لو عندي خطوط ولا حاجة أقول لأ عايزاها تطلع وتظهر.. لو الدور هلبس بقى ومكياج ومش عارفة إيه ممكن اعمل حاجات بسيطة لكن مقدرش ألعب في ملامح وشي”.

وأضافت: “عملت عملة سودا من سنتين عند دكتور وللأسف أنا استأمنته وقالي عادي هينزل وبتاع ولا نزل ولا اتنيل عملي هنا قالي عشان دول يظبطوا وعشان انتي وشك رفيع من تحت فده لما يظبط مع ده.. قولتله أنا ماليش دعوة بالكلام ده أنا وشي رفيع أرجوك ابعد عن المنطقة دي.. وقعد يقولي ويحلف وبتاع وفعلًا اللي أنا حسيت بيه حصل.. قعدت سنة ونص بهبط في وشي وأقولهم مفيش حقنة تدوب ده.. يقولي بس تعالي ويديني حقنة ويقولي خلال هتروحي تنامي وتصحي هتلاقي الحاجات دي دابت.. كلام هجص طبعًا ولا في حاجة بتدوب ولا أي حاجة م الكلام ده”.

وتابعت غادة، أنها بعد هذه الواقعة أصبحت لا تذهب لأي من أطباء التجميل، قائلة: “ما بروحلهمش.. اسمع اسم واحد منهم لا لا لا.. أنا عارفة نفسي كويس أوي مكياج إضاءة تمام”.

يذكر أن آخر أعمال النجمة غادة عبد الرازق، مسلسل “لحم غزال” الذي عرض في رمضان الماضي.

بطولة: غادة عبد الرازق، وشريف سلامة، وعمرو عبد الجليل، ومي سليم، ووفاء عامر، ورحاب الجمل، وإيهاب فهمي، وأحمد خليل، وشريف دسوقي، ووليد فواز، وخالد محمود، من تأليف: إياد إبراهيم، وإخراج: محمد أسامة.


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.