حلت الفنانة والراقصة الاستعراضية فيفي عبده، ضيفة على الإعلامية بسمة وهبة، مقدمة برنامج “العرافة” الذي يذاع عبر قناة “المحور” خلال شهر رمضان الجاري.
فيفي عبده: الراقصات الأجانب بيجوا عشان يتجوزوا شبابنا
وتحدثت فيفي عبده، عن الراقصات الأجانب في مصر، تعليقًا منها على مقطع فيديو قديم لمداخلة هاتفية لها مع الإعلامي الراحل وائل الإبراشي، حيث وجهت لها مقدمة البرنامج سؤالًا قالت فيه: “بيقولوا إن فيفي عبده بتغيير من نجاح الأجنبيات في مصر خصوصًا إنه دلوقتي بقوا هما مطلوبين أكتر من المصريات وانتي بتدافعي عن الرقص الشرقي بكل ما أوتيتي من قوة؟” لترد الفنانة الكبيرة قائلة: “أدافع عن الرقص الشرقي أه لكن أغير من مين؟ إحنا اللي بنعلمهم”.
وأضافت فيفي: “إحنا اللي بنعلمهم دولا بيجوا يقفوا طابور كده ونعلمهم الرقص الشرقي إحنا بنعلمهم اللي أعرفه بيرقصوا كويس مظبوط بيتعلموا كويس أوي لكن مفيش حاجة اسمها غيرة.. الغيرة دي أرميها على جنب يعني”.
وتابعت فيفي: “دول بيجوا عشان يتجوزوا شبابنا وده الطبيعي هي دي بقى اللي محدش بيخلي باله منها إن الشباب فين”، وعن عدم وجود جيل جديد من الراقصات المصريات قالت: “مش عارفة الصراحة لما سبت الساحة وبقيت أمثل بس لكن معنديش فكرة بتسأليني عن حاجة أنا مش مُلمة بيها دلوقتي خالص”.
الجدير بالذكر أن الفنانة فيفي عبده، يعرض لها خلال الموسم الرمضاني الجاري مسلسل “شغل عالي” عبر قناة “النهار”.
“شغل عالي” بطولة: بطولة: فيفي عبده، وشيرين رضا، ومحمد رضوان، وفريد النقراشي، ومحمد مرزبان، وأحمد عبد الله محمود، وعزة مجاهد، وسليمان عيد، وفراس سعيد، وصبري عبد المنعم، وأحمد بسيم، وأحمد جمال سعيد، وساندي مراد، وتوني ماهر، وبسمة داود، وكريم سرور، ورشا بن معاوية، ومروان يونس، وهيثم سعيد، وأمينة مغربي، ومارتينا عادل، وإنجي كيوان، وبسنت النبراوي، ومن تأليف: حسين مصطفى محرم، وإخراج: مرقس عادل.
