كشف الفنانة والراقصة الاستعراضية الكبيرة فيفي عبده، سر “السبع موجات” خلال حوارها مع الإعلامية ياسمين عز، في حلقة أمس الأحد، من برنامج “كلام الناس” الذي يعرض عبر قناة “MBC مصر”.

حيث قالت: “أنا متعودة طول عمري أروح المية أقرا قرآن وأنا واقفة.. وكان فيه حكاية غريبة جدًا في المية دي.. بنزل سبع موجات وأنا بقرا قرآن بتفائل بده أنا اللي بغطس نفسي تحت الموجة كنت أنا والموجة مش تستني بقى تاخدي نفسك وتطلعي لأ الموجات ورا بعدها السبعة ما تاخديش نفسك وفي نفس الوقت تغسلي همومك تنزلي وتطلعي تغسلي همومك”.
وأضافت: “الحكاية يعني أنا مثلًا هقولك بتفائل بيها ليه.. يعني أنا لما عملت كيد النسا كنت بقالي كذا سنة ما بشتغلش وكان عندي حالة اكتئاب وتخنت وروحت قعدت في مارينا حوالي 5 شهور خسيت من المشي والعوم ووأنا واقفة كده كنت آخر أمل إن أنا ممكن حد منتج يعني وقف قالهم يا عزة.. ماما معايا السنة دي.. يوقف سوقي يعني ماما معايا السنة دي هشتغل معاه وأنا اشتغلت معاه كذا مسلسل.. عشان اللي قاعدين معاه منتجين كتير يقولك دي مرتبطة بفلان بقى مش هتشتغل.. ففي الآخر قولت لأ أنا رجعت تاني لنشاطي واللي أنا عايزاه كان نفسي أعمل شباب امرأة مسلسل.. فقولت بس أما أكلم بقى سمية هي تيجي تعمل معايا شادية وأنا أعمل تحية”.
وتابعت: “ففي الآخر كده وقفت في المية وبعدين بصيت كده لربنا وللمية.. قولتله وحياة موجك يا رب كانوا ظالميني جدًا.. قولتله قد موجك اللي بيجي ده وأنا مش قادرة أعد.. تنصرني على كل اللي ظلموني.. والله العظيم يا ياسمين وحياة ربنا طلعت م المية لقيت اللي قالي أول السيزون إن هي معايا هو اللي طالبني.. وحياة ربنا.. لقيته طالبني ع التليفون كتبت عليه بسم الله الرحمن الرحيم.. على اسمه بعد ما طلعت من السبع موجات دول طلعت جالي بالورق وقالي عايزين نعمل حاجات كيد نسا اتحمست للموضوع.. قولتله أنا كنت هخش مع سمية.. قالي منا جايلك عشان سمية معايا.. شوفي ربنا”.