حلت الفنانة والراقصة الاستعراضية فيفي عبده، ضيفة على الإعلامية بسمة وهبة، مقدمة برنامج “العرافة” الذي يذاع عبر قناة “المحور” خلال شهر رمضان الجاري.
فيفي عبده: كل الراقصات محترمات
وتحدثت فيفي عبده، عن الراقصات ومواقفهن الجيدة تجاه زملائهن، بعد عرض فيديو للفنانة الراحلة تحية كاريوكا، وهي تشيد بمواقفها معها، قائلة: “مش جديد على الراقصات الجدعنة.. مش أنا بس والحاجة تحية وكل الراقصات ونجوى فؤاد وسهير زكي كل الراقصات الموجودين كلهم محترمين ولوسي ودينا واللي راحوا كمان”.
وعن موقفها مع نجوى فؤاد، قالت فيفي: “الست دي عمرها ما قالت أنا محتاجة لحد خالص ربنا ما يحوجها لحد.. والوجود للبني آدم والفنان مش إنك تديله فلوس ممكن يبقى معايا فلوس عاوزة ناس عاوزة بشر عايزة أبقى متواجدة عايزة الناس تقول نجوى فؤاد أهي.. مش لازم يكون عشان فلوس.. هي ماتت يعني مش من حقها إنها تطلع أم تطلع خالة تطلع عمة.. مش لازم يكون عشان الفلوس”.
وأضافت فيفي: “أنا مطمنة عليها وعارفة حالتها.. هي مش عارفة تعبر عن مشاعرها الحقيقية اللي جواها هي دي نجوى فؤاد وأغلبية الناس اللي بتموت م الفنانين بيموتوا من القهر بيموتوا من حاجات مش متعودين عليها دلوقتي بقى ده جديد مكانش موجود ده ده مكانش موجود كانت الناس كلها بتسأل على بعضها دلوقتي خلاص دلوقتي التليفون في ايدك مش بتسيبيه خلاص هي دي الحقيقة ونجوى بتنام بدري ومش بتحب كده ليها حياتها لكن فين حياتها الفنية إنها تطلع تقعد قدام الكاميرا وتشتغل لسه عندها صحة تقف وتعمل هي محتاجة ده.. ده اللي تقصده نجوى فؤاد”.
وقالت فيفي، عن تواجدها على “انستجرام”: “اللي بيحبوني السن اللي أنا معيشتوش السن الجميل اللي أنا معيشتوش هما دول.. البنات عندي البنات اكتر م الشباب.. بقولهم انتوا بتحبوا فيا إيه يقولوا انتي الأيقونة بتاعتنا يعني أنا ما أحبش الأنا أصلًا عيب إن البنت تبقى جدعة وتفهم الصح م الغلط.. أنا بحب الحياة ومنطلقة بس ليا حدود يعني لما الولاد يبقى عندهم امتحانات يلا خلصوا الامتحانات ونتكلم.. الأولاد ليهم حدود في التربية”.
