“كنت في ثانوية عامة ومكنتش فاهمة”.. فدوى عابد عن تعرضها للتحرش: «كتير لما كنت لسه مراهقة وأول مرة شكرت الراجل وإديته فلوس»
أكدت الفنانة فدوى عابد، عن أنها تعرضت للتحرش كثيراً حينما كانت بسن المراهقة، وتحديداً أثناء دراستها بالمرحلة الثانوية، وأشارت بأن أول مرة لها كانت في غاية القلق والرعب.
وقالت الفنانة، أثناء استضافتها ببرنامج “الستات”، والتي تقوم بتقديمة “سهير جودة، ومفيدة شيحة”، والمُذاع عبر شاشة “النهار”، موضحة: “أنا إتعرضت للتحرش كتير جداً وده لما كنت لسه مراهقة، وأول مرة ليا لما كنت في الثانوية العامة وكنت راكبة تاكسي، وساعتها خفت أوي وشكرت الراجل وإديته فلوس، ولما طلعت لوالدتي كنت منهارة لأني مكنتش عارفة يعني إيه الحاجة دي”.
وواصلت فدوى: “وأنا خدت وقت كتير لحد ما عرفت إني مش ممكن أسكت على حاجة زي كده، وإني مش غلطانة في شئ، والموضوع ده مش سهل على أي بنت ومينفعش يعدي بالساهل، وإني المفروض أقوم وأخد حقي مهما حصل”.
وحينما سؤلت فدوى، عن الوقت التي قررت فيه أن تأخذ حقها ويكون لها موقف تجاه الشخص الذي تحرش بها، ردت: “أظن من كتر الغضب اللي كان جوايا.. بجد مش فاكرة كان إمتى مكنتش واخدة قرار، ولكن أرجع وأقول الغضب هو اللي خلاني أخد القرار وأقول لأ مش هسكت وهفضح أي شخص يعمل معايا كده، وممكن أجيبه من شعره لو لازم الأمر”.
وأشارت الفنانة، بأنها قامت في أحد المرات بضرب المُتحرش بها ورفضت الإجابة على سؤال مفيدة شيحة، حينما قالت لها ما الأمر الذي دفعها للقيام بضربه، وعلقت: “مش ممكن أقول في التليفزيون حاجة زي دي، ولكن كل اللي أقدر أقوله إنه تجاوز كل الحدود بالشارع.. بالعربي قل أدبه أوي”.
وحينما سألتها الإعلامية، عن تخوفها أثناء ضربه ردت: “كنت خايفة أوي، وعلى ما أظن إن ده حال كل البنات، وده طبعاً لأني بضرب وأنا متأكده إنه جسمانياً أقوى مني بكتير، وأكيد في ستات هتطلع من تحت الأرض وتحب تجامله وتقولي سيبيه في حالة، وعلى فكرة ده حصل مع صحباتي كتير بس كان ضروري أخد موقف، وحقيقي سعيدة من الجيل بتاعنا اللي خلى الأجيال اللي بعدنا تتكلم، والموضوع نقدر نناقشه بالصورة دي”.
