أثارت المخرجة إيناس الدغيدي، جدلًا واسعًا بتصريحاتها التي أدلت بها منذ يومين أثناء لقائها مع الإعلامية ياسمين عز، مقدمة برنامج “كلام الناس” الذي يذاع عبر قناة “MBC مصر”.
إيناس الدغيدي: بعشق عالم الرجالة.. ومرة قولت لتامر حبيب ما تيجي تتجوزني ونخلص
وقالت إيناس: “أنا أعشق عالم الرجال أكتر من الستات.. تلاقيني مع الرجالة أريح من الستات.. لأن عقلي أقرب للرجالة لأني مبهتمش أوي بحاجات للستات معينة”.
وأضافت: “أي حفلة ستات بقول لصحابي ما تعزمونيش.. يعني يا فرحتى هي لابسة ومتزوقة ومفيش أي حاجة.. أي حاجة عقل مخ تصرف الموضوع مش لبس وهزار يعني ممكن واحدة تبقى بسيطة جدًا ومش لابسة حاجة ومش عاملة إغراء وهي في نفس الوقت شخصية مهمة ووجودها بتحترميه يعني”.
وفي نهاية الحلقة وخاصة في فقرة “سؤال الناس” حيث وجه إليه سؤالًا: “مع ولا ضد إن الراجل يلبس حلق.. ولو تامر حبيب طلب نصيحتك تقوليله إيه.. اقلعه ولا خليك لابسه؟” لترد إيناس الدغيدي، قائلة: “أولًا أنا بحب تامر حبيب جدًا لأنه واضح وشخصية لطيفة وطبعًا كاتب هايل ما قولتلوش اقلع الحلق مع إني شوفت الحلق يعني.. لكن هيريحكوا لو قلع الحلق يعني هيريح الناس؟!”.
وأضافت إيناس، في حديثها عن تامر حبيب: “هو صديقي وبحبه.. وعلى فكرة في مرة من المرات قولتله بقولك إيه يا تامر ما تيجي تتجوزني ونخلص.. قالي ده إحنا نعمل دويتو عظيم”.
وتابعت إيناس، قائلة: “أنا بحبه وهو شخصية جميلة وعلى فكرة إنسان طيب جدًا وكل الوسط الفني بيحبه بجد بيحبوه جدًا من قلبهم لأنه واضح وصريح وحبوب وصاحب كل الناس”.
