إلهام شاهين تكشف معاناتها مع حمل السلاح: دربوني في وزارة الداخلية والظابط قالي انتي مجنونة

حلت الفنانة الكبيرة إلهام شاهين، ضيفة على الإعلامي عمرو أديب، مقدم برنامج “الحكاية” الذي يذاع عبر قناة “MBC مصر”.

إلهام شاهين تكشف معاناتها مع حمل السلاح: دربوني في وزارة الداخلية والظابط قالي انتي مجنونة

وتحدثت إلهام، خلال الحلقة حول كواليس مسلسل “بطلوع الروح” الذي عرض في النصف الثاني من شهر رمضان الماضي، وحقق نجاحًا كبيرًا.

وكشفت إلهام، عن معاناتها أثناء تصوير المسلسل قائلة: “التعب فوق ما تتخيله.. مفيش حد فينا ما حصلوش إصابة ده بجد.. المشاهد صعبة جدًا وتنفيذها صعب جدًا إحنا في يوم كلنا تعبنا وأنا وشي اتحرق ومنة وشها برضه باظ”.

وأضافت إلهام: “إحنا بنقعد عدد ساعات طويلة جدًا كنا بنصور في الشمس وقاعدين بنصور من 6 الصبح ل6 بالليل لما النهار خلص وفجأة كلنا عندنا ضربة شمس واللي درجة حرارته 40 واللي بيرجع.. أنا بقى قعدت بعدها يومين تلاتة في الأوتيل بيجيبولي دكاترة وشي ورم واحمر والتهب وعينيا باظت في تعب وطبعًا في مشاهد مجهدة جدًا”.

وتابعت إلهام: “حمل السلاح أصلًا من غير حتى استخدامه مرهق جدًا.. وكان سلاح حقيقي كلاشينكوف بجد إحنا بنهزر ده تقيل تقل تقيل جدًا وبعلقه في كتفي ورقابتي وبعتتني وزارة الداخلية اتدرب بجد على ضرب الكلاشينكوف فدربوني بطلق نار حي.. أه والله ده أنا بوظتلهم المكان”.

واستكملت: “قالي اضربي طلقة أنا ايدي سلمت ع الزناد عملت كده طلعوا 33 طلقة يعني الخزنة كلها الظابط جري قالي انتي مجنونة الناس جريوا من حواليا سابوني.. 33 طلقة في دوسة واحدة”.

“بطلوع الروح” بطولة: منة شلبي، وإلهام شاهين، وأحمد صلاح السعدني، ومحمد حاتم، ودياموند بو عبود، وأيمن عزب، وعزت زين، وعادل كرم، وعلي الشجيري، من تأليف: محمد هشام عبية، وإخراج: كاملة أبو ذكري.