كشفت الفنانة التونسية درة، حقيقة خلافها مع الفنانة وفاء عامر، بسبب ترتيب أسماء تتر مسلسل “نسر الصعيد” الذي تم عرضه في عام 2018.
درة عن أزمة تتر "نسر الصعيد": الطبيعي إن يبقى اسمي قبل وفاء عامر
حيث قالت درة، في تصريحات تليفزيونية: “أنا ما قولتش لازم اسمي يكون أول اسم.. الأزمة إن أنا م الأول متفقة وطبيعي كل حد له مكانة وله اسم بيتحط في حة وكل الحاجات دي”.
وأضافت: “هما بعتولي المسلسل على أساس إن أنا بطلة المسلسل مع محمد رمضان وهو البطل الأول للمسلسل فالبديهي إن أنا كان اسمي تاني اسم وده اللي اتكلمنا فيه من الأول واتفقنا عليه.. وبعد كده حصل خلاف لأن الأول الكاست الأولاني اللي كان موجود ما كانش فيه أي مشكلة في الموضوع بعدين حصل إنه فيه ممثلة اتغيرت فجت ممثلة تانية”.
وتابعت: “مع احترامي طبعًا لكل نجم وكل فنان وكل ممثل موجود في المسلسل ممكن يكون أحسن مني.. لكن ده مكاني اللي أنا متفقة عليه وشايفة نفسي فيه دي مالهاش علاقة بأي غرور بالعكس.. دي حاجات انك تحافظ على مكانتك أو مكان اسم أو الوضع اللي انت فيه دلوقتي.. ودي بيبقى ليها علاقة بحاجات تانية”.
يذكر أن آخر أعمال الفنانة درة، مسلسل “المتهمة” الذي عرض في أكتوبر الماضي عبر منصة “شاهد VIP”.
“المتهمة” بطولة: درة، وعادل كرم، وعلي الطيب، وأسامة عباس، ودياب، وعاطف عمار، ومحمود غريب، ومحمد عبد العظيم، ومها نصار، وريم عبد الحليم، ورشدي الشامي، وماجدة منير، ونيللي الشامي، وعمرو بهي، تأليف: تامر نادي، وأحمد فوزي، ونادين نادر، وإخراج: تامر نادي.
