“البنات الصغيرة بيصعبوا عليا”.. بوسي عن رأيها بـ عمليات التجميل: «مبقتش عارفة إيه الطبيعي وإيه اللي مش طبيعي»
كشفت الفنانة الجميلة بوسي، رأيها في عمليات التجميل والتي تقوم بها أغلب السيدات في الوقت الحالي، وأكدت رفضها للأمر كله، وأعربت عن استيائها الشديد من قيام بعض الفتيات الصغيرة بالسن لـ مثل هذه العمليات والبوتكس والحقن والفيلر وغيرها.
وأكدت الفنانة، خلال تصريحات تليفزيونية: “الجمال الرباني بقا شبه مش موجود وقليل جداً، وحالياً مبقتش عارفة الطبيعي من غيره، وللأسف الموضوع ده بقا موجود أكتر في البنات اللي لسه صغيرين أوي، والمشكلة إن البنات بيعملوا كده على إنهم بيلعبوا في وشهم أو بيعملوا بوتكس أو فيلر”.
وواصلت: “والمفروض البوتكس والفيلر يكونوا بتاع الناس الكبيرة في السن شوية، وبيحاولوا إنهم يظهروا أصغر، ولكن للأسف بشوف دلوقتي بنات أصغر من 20 سنة بيروحوا مغيرين في وشهم، وبجد صعبانين عليا أوي، وده لأن عمليات التجميل دلوقتي بقت زي الإدمان.. الناس مش عارفة تبطلها”.
وجديراً بالذكر، بأن الفنانة بوسي أعلنت مؤخراً انفصالها عن زوجها رجل الأعمال المعروف هشام ربيع، وأكد طليقها هشام خلال تصريحاتها مع القاهرة 24: “الإنفصال بيني وبين زوجتي بوسي تم بالفعل، وده بعد ما خلصت ليها الموضوع بتاعها زي أي راجل مصري، وأكيد أي راجل مصري مراته هتتعرض لإبتزاز مش هيسكت، وهو ده اللي حصل وجبتلها حقها بالكامل، وأي شخص حر مش هيسمح إن حد يبتز مراته مهما حصل”.
وواصل ربيع: “وإحنا من ساعة ما إتجوزنا والدنيا بينا مش لطيفة خالص ومش حلوة بالمرة، والأزمة اللي حصلت معايا كانت بسببها والناس اللي إتأذت كانوا أولادي ووالدتهم، ومفيش حد وقف جمبي غير أم أولادي بس، وبجد هو ده الشئ اللي زعلني منها.. هى موقفتش جنبي أبداً”.
