قامت الفنانة الجميلة عزة بهاء، بالكشف عن كواليس حياتها الشخصية وسبب عدم رغبتها في الزواج مرة ثانية، وأشارت بأن الرجل مسؤولية كبيرة وأنها أصبحت مُنهكة ولا تملك طاقة لتحمله.
وأكدت الفنانة، خلال تصريحاتها مع القاهرة 24:ـ “حقيقي كده كفاية عليا ورضا أوي، ومش بفكر في الزواج تاني بالرغم من إني مش بكره الرجالة، ولكن معنديش وقت للراجل لأنه مسؤولية كبيرة فوق اللي عندي، وبجد بقيت مُنهكة ولا امتلك الطاقة الكافية، وده علشان الراجل زي ما بيدي بيكون عاوز ياخد، ومهم إن الست تكون قادرة تدي”.
وتحدثت الفنانة، عن اكتشافها زواج زوجها الثالث عليها يوم موته، وهل هذا الأمر سبب لها مشاكل؟، حيث قالت:ـ “الموضوع ده عملي مشاكل كتير، وده شخص مات واللي حصل حصل وخلاص، وكل شخص بيكون له ظروفه.. الله يرحمه محدش عارف ظروفه، وده علشان كان لازم يكون موجود دلوقتي ويوضح الأسباب اللي خلته يعمل كده.. الله يرحمه”.
كما تحدثت عزة، عن الصعوبات التى تواجهها في التمثيل:ـ “ضغط العمل، والوقت الكبير اللي بستهلكه في الشغل، وده غير الشائعات اللي بتطلع علينا واللي أغلبها مش بيكون ليها معنى، وتحديداً في البدايات كانت بتضايقني أوي”.
وجديراً بالذكر، بأن الفنانة عزة بهاء أثارت الكثير من الجدل، عندما علمت بزواج زوجها الثالث يوم دفنته، حيث اعتبرتها خيانة لها، وأكدت خلال تصريحات تليفزونية:ـ “جوزي التالت اتجوز عليا، واكتشفت خيانته ليا وزواجه يوم دفنته، وهو عاش معايا سنتين ومات”.