عمرو سلامة: أول فيلم وثائقي أحب أعمله هو عن تاريخ وعظمة نادي الزمالك

حل المخرج عمرو سلامة، ضيفًا على الإعلامية لميس الحديدي، مقدمة برنامج “كلمة أخيرة” الذي يذاع عبر قناة “ON”.

عمرو سلامة: أول فيلم وثائقي أحب أعمله هو عن تاريخ وعظمة نادي الزمالك

ووجهت مقدمة البرنامج الإعلامية لميس الحديدي سؤالًا لضيفها: “إيه اللي عايز تغيره في عمرو سلامة؟”، ليجيب: “اكتر حاجة نفسي أغيرها في نفسي إن أنا أركز في شغلي بس”، لترد عليه مقدمة البرنامج مازحة: “إن تغير إنك زملكاوي” ليرد قائلًا: “لأ طبعًا أنا عايز أعيش وأموت زملكاوي.. بس نفسي أركز في شغلي بس لإن ساعات طاقتي بتهلك في معارك صغيرة كتير جدًا بره الشغل”.

وأضاف سلامة: “مجرد إنك تفتح النت دي معركة صغيرة إنه ما يأثرش فيك ما يشتتكش وما يطلعكش بره المود دي معركة.. معارك تانية كتير ليها دعوة حوالين الشغل بس مش هي الشغل نفسي أكتب وأخرج بس لكن في كمية حاجات الواحد بيخش فيها معارك صغيرة بتهلك من وقته ومن طاقته أنا نفسي أبقى بني آدم بيركز كل تركيزه في شغله بس”.

وعن تفكيره في عمل أفلام تسجيلية ووثائقية قال سلامة: “بالمناسبة أنا أهم جايزة خدتها في حياتي كانت عن فيلم تسجيلي أنا عملته خدتها من مهرجان فينيسيا يمكن دي أهم جايزة في حياتي خدتها.. وأنا لما كنت ببدأ كنت ببدأ بالأفلام التسجيلية بس للأسف تاني الأفلام التسجيلية مالهاش مردود خالص لا مادي ولا بتتشاف.. لكن أعتقد الفترة الجاية ممكن يبقى فيه شهية للأفلام التسجيلية ولو ده حصل واتحط فيها ميزانيات كويسة أعتقد أحب جدًا أعمل أفلام وثائقية وأعتقد أول فيلم وثائقي أحب أعمله هو عن تاريخ وعظمة نادي الزمالك”، وهي الجملة التي قالها المخرج الشهير مازحًا لتضحك مقدمة البرنامج وترد عليه قائلة: “دي نهاية مش كويسة للحوار ماشي يا عمرو ما علينا يعني ضيفي طبعًا ولازم أجامله”.

الجدير بالذكر أن آخر أعمال المخرج عمرو سلامة، فيلم “برا المنهج” الذي عرض في ديسمبر 2021.

“برا المنهج” بطولة: ماجد الكدواني، وروبي، والطفل عمر شريف، ودنيا ماهر، وأحمد خالد صالح، وأسماء أبو اليزيد، من تأليف: عمرو سلامة، وخالد دياب، وإخراج: عمرو سلامة.


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.