حلت الفنانة أمل رزق، ضيفة على الإعلامية ياسمين عز، في حلقة أمس الخميس، من برنامجها “كلام الناس” الذي يعرض عبر قناة “MBC مصر”.
وكشفت أمل، عن كواليس خطبة ابنتها للفنان محمد الشرنوبي، والتي في 2016 قبل أن تنفصل عنه بعد مرور 7 أشهر فقط، قائلة: “دعيت في الكعبة قولت لو فيه خير يقربه لو في شر يبعده وبتمنى لها إن ربنا يسعدها ويوفقها أصل دي بنتي الكبيرة أول واحدة يعني أول فرحتى وهي طيوبة خالص خالص خالص وبيور خالص خالص.. فأنا دعيت من قلبي”.
وأضافت: “ولادي من قلبي بدعيلهم فكانت لسه مخطوبة حبيبة قلبي فقولت يارب لو فيه خير تقربه لو في شر تبعده.. وتقدملها كل خير لإن دي حتة من قلبي ما اتمناش لأي حد في الدنيا هي وولادي طبعًا كلهم إن حد يبقى أسعد منهم بأمانة يعني.. عمري ما اتمنيت لأي حد طول عمري بحب الناس كلها بس ولادي أكتر حد في العالم”، لترد عليها مقدمة البرنامج قائلة: “أكيد مفيش غيرهم ومالهومش غيرك ورجعتي الدعوة رشقت”.
وتابعت: “وأنا في الطيارة قالتلي مامي هقولك خبرين واحد حلو وواحد وحش.. أول خبر كان جايلها شغل مع حد هي عايزاه يعني فيلم تقريبًا.. وقالتلي كذا وأنا والشرنوبي انفصلنا.. قولتلها اللي فيه الخير يقدمه ربنا وقدر الله وما شاء فعل.. واللي انتي مقتنعة بيه واللي انتي عايزاه أنا في ضهرك.. وقفلت الموضوع ده تمامًا وهي قفلته تمامًا خالص”.
