أثارت الفنانة عايدة رياض، الكثير من الجدل خلال الساعات القليلة الماضية، بعدما صرحت بأنها لم تندم على تقديمها المشاهد الجريئة خلال مسيرتها الفنية، أو مشاركتها في أفلام المقاولات.
وأكدت الفنانة، أثناء استضافتها ببرنامج “واحد من الناس”، والذي يقوم بتقديمة الإعلامي عمرو الليثي، والمذاع عبر فضائية “الحياة”:ـ “المشاهد الجريئة اللي عملتها في وقتها مكنتش مضايقة منها، بالعكس كنت سعيدة”.
وأما عن أفلام المقاولات التي شاركت بها من أجل المال، علقت قائلة:ـ “هى كان فيها فلوس؟.. مكنش فيها فلوس، وبجد مش ندمانة أبداً على أفلام المقاولات اللي شاركت فيها، وعلى فكرة أنا بحب الرقص جداً، وكان نفسي أقدم أعمال استعراضية زي تحية كاريوكا ونعيمة عاكف”.
وتحدثت عايدة رياض خلال اللقاء، عن فترة مرضها وإصابتها بمرض السرطان، ومحاولة إخفاء الخبر عن الجميع، مشيرة بأنها أصيبت بسرطان في المثانة وأخفت الخبر عن الكل، وأن الورم كان من النوع الخبيث وتم استئصاله بجراحة منظار.
وعلقت قائلة:ـ “أول ما بدأت العلاج كان بالكيماوي، وبعد ما عملت 3 جلسات الطبيب قالي إنتي هتعملي عيانة، وساعتها نزلت الشغل وعملت مسلسل مع الفنانة مي عز الدين، والطبيب قالي لما شعرك يوقع إلبسي باروكة، وفي المسلسل قدمت دور شقيقة بوسي، وعرفتها إن في 3 أيام في الشهر مش هعرف أشتغل فيهم، ومكنتش حابه أعرف حد تاني”.
وواصلت عايدة باكية:ـ “والممرضات كانوا بيقولوا لبعض إني جوه، وكانوا بيستأذنوا مني إن زملائهم يقابلوني، وكنت بشيل المحلول الكيماوى وأقابلهم”.
وأنهت:ـ “وبعد ما خلصت الجلسات وعملت مسح ذري والحمد لله طلع سليم، الطبيب طلب مني أشيل المثانة وأركب واحدة صناعية، وساعتها عرضت الأمر على أكتر من طبيب وقالوا لو هتعمليها يبقى في فرنسا أفضل، وده علشان صعوبة العملية عند الست أكتر من الراجل، وبعدها استخرت ربنا وقولت إنتا شفتني وتوكلت عليك قولت للدكتور مش هعمل العملية”.