دافعت الفنانة عبير صبري، عن زميلتها الفنانة ريهام حجاج، وذلك خلال لقائها في برنامج “الراديو بيضحك” الذي تقدمه الإعلامية فاطمة مصطفى، ويذاع عبر إذاعة “الراديو 9090”.
عبير صبري: ريهام حجاج مظلومة في كل حاجة والناس عايزة تحطها في صورة غير صورتها
وقالت عبير، أنه لا توجد أي خلافات بينها وبين الفنانة ريهام حجاج، مشيرة إلى أن كواليس مسلسل “جميلة” المقرر عرضه في شهر رمضان المقبل، جيدة ولا توجد أي مشكلة من أي نوع.
وأضافت: “الكتابة مش مسموح حد يتدخل فيها والأستاذ أيمن سلامة لسه بيكتب.. وريهام طلبت منه أنه ميزودش شغلها ويدي فرصة للزملا.. وده عكس اللي بيتقال عليها”.
وتابعت: “المنتج جمال العدل متواجد يوميًا وبيشرف على كل التفاصيل في تصوير المسلسل.. وريهام ما بتتدخلش في أي حاجة.. وكل اللي بيتقال عنها غير صحيح بالمرة.. هي مظلومة في كل حاجة والناس عايزة تحطها في صورة غير صورتها”.
واستكملت: “ريهام حجاج شخصية هادية إلى أقصى درجة.. ما بتحبش السوشيال ميديا.. بتحب تقدم الشغل والناس تتفرج بس.. بحاول أقنعها إننا ننزل صور وأخبار عن المسلسل وهي مش بتحب كده”.
مسلسل “جميلة” بطولة: ريهام حجاج، ويسرا اللوزي، وسوسن بدر، وعبير صبري، وأحمد وفيق، وهشام إسماعيل، من تأليف: أيمن سلامة، وإنتاج: العدل جروب (جمال العدل)، وإخراج: سامح عبد العزيز.
