علق والد الطفلة أشرقت، متسابقة البرنامج الغنائي The Voice Kids على أداء ابنته أثناء البرنامج، ذلك من خلال الحوار الذي أجراه مع الإعلامي وائل الإبراشي في برنامج العاشرة مساءً على فضائية دريم.
قال والد الطفلة ” أداء بنتي كان رائع، أنا كنت بدربها ومتابع معها، من أكتر الأغاني اللي خلتني أبكي في البرنامج أغنية أوعدك لسعاد محمد، خاصة أداء بنتي كان متميز وكانت متفاعلة مع الأغنية، عندها إحساس رائع”.
وأضاف أيضاً ” أنا أصلاً اللي مدربة على الأغنية، لاقيت تعبي ماضعش ولاقيت دموعي نازلة من غير ما أشعر، ده بكاء سعادة وفرح؛ لأن الأغنية اللي عايزها قالتها زي ما أنا عايزها”.
وتابع ” المذيع فرحنا في الأول لمة قال أشرقت، كلنا فضلنا نرقص، لمة قال أشرقت فرحت أوي في الإستديو، كان بيقولولي في الإستديو ماتقلقش هي اللي هاتأخدها، بعد ما خرجنا من الإستديو الناس قبلونا بطريقة مش ممكن كنت خايف منهم؛ لأنهم بحبوا أشرقت جداً”.
وأكد أيضاً ” أشرقت عندها قبول وإحساس وأداء رهيب، المطرب صوت وقبول”.
وأوضح أيضاً” هاقول لحضرتك اللي حصل بالنسبة لخروجها، أنا متعود في 3 مراحل الأول في البرامج إني بختار ليها اللي هاتغنيه، إختارتله أغنية أما باروا وأغنية جورج سوف وأوعدك، ده كان إختياري وتدريبي مع أشرقت”.
وأشار أيضاً” لمة رجعنا ثاني لبث المباشر، أنا كنت عارف حمزة كويس أوي، والدته قالتلي أتابعه وأدربه، لمة دربته إتخضيت أوي من إجابته، فأنا عملت حساب مستقبل بنتي لمة تقبله، كاظم في مرحلة الصوت بس إكتشف خبرته وإختاره، في المرحلة التانية كان في مواجهة مع إتنين، إختارلوا أغنية بسيطة وراح مطلعوا”.
وأضاف أيضاً “في المراحلة التانية، سابه يغني ومادوش حاجات عالية؛ عشان المنافسين مايأخدوش بالهم منه، فهمت من كده أن كاظم مش عايز يلفت إنتباه الناس ليه، أنا واخد بالي من كل ده”.
وأوضح” أن الخطأ الكبير اللي حصل لأشرقت أنها غنت الناس الرايقة، دي مش ماشية مع طبقة صوتها، قولتلهم كده، قالوا لا دي إجباري”.
وأكد” ماكنش في تعمد أنها تخرج، حمزة يفوز؛ لأن دول أطفال، والمدربين كانوا كويسين جداً معاهم، ناس محترمة جداً مع الأطفال”.
عبرت أشرقت عن حالتها، عند إعلان النتيجة قائلةً” أنا ماكنتش عارفة هايختاروا مين، حتى لو إختاروا حد غيري برضوا كنت فرحانة، بس حسيت بحزن شوية”.
