في ظل التطوير التي تشهده جميع محافظات مصر ولا سيما عروس البحر المتوسط محافظة الإسكندرية، فقد بدأت اعمال التطوير لحديقة قصر المنتزه التاريخية منذ عدة أشهر، وحديقة المنتزه ليست فقط تتسم بالطابع التاريخي ولكنها جزء من ذكريات جميع المصريين تقريبا فجميع من زار الإسكندرية ذهب للمنتزه وله صور وذكريات جميلة هناك فهي شاهدة على سعادة المصريين.
المنتزه بعد التجديد
تتم اعمال التطوير لحديقة المنتزه على مساحة 370 فدان ضمن مخطط تطوير مدينة الإسكندرية 2032 وإعادتها لعصرها الذهبي، ويشمل مشروع تطوير المنتزه ما يلي:-
إنشاء جزيرة شاي-إنشاء مارينا يخوت عالمي-إنشاء عين إسكندرية بارتفاع 65 متر-تطوير الحدائق الملكية-تطوير المباني الأثرية-متحف يخت (فخر البحار) الخاص بالملك فاروق-تطوير فندق فلسطين وزيادة عدد الغرف-تطوير فندق قصر السلاملك وزيادة عدد الغرفتطوير منتجع بالما الذي يضم 225 غرفة فندقية – ڤيلات – مركز معارض واحتفالات-إنشاء الحديقة الاستوائية-إنشاء حديقة معلقة-تطوير الصوبة الملكية-إنشاء نادي رياضي-إنشاء كورنيش مفتوح-تطوير وإنشاء 650 كابينة علي شواطيء عايدة ونفرتيتي ونفرتاري-الاهتمام بالأشجار النادرة الموجودة ورعايتها من الأمراض وإضافة أنواع أشجار أخرى موفرة للمياه مع تنفيذ أنظمة ري حديثة مستدامة باستخدام طاقة نظيفة
منذ ان بدأت اعمال التطوير وانهالت التعليقات المؤيدة والمعارضة للمشروع، فمنهم من عارض أصلا فكرة التطوير واصدر الاشاعات والتي تتهم المشروع بمحو التراث وطمس معالم عروس البحر المتوسط ولكن في الحقيقة المشروع هو عملية تجميلية للمكان الذي شهد العديد من التعديات والكتل الخرسانية وقاعات الافراح والكبائن التي كان ينعم بها فئة معينة من الشعب فلم يتم تجريف المنتزه مثل ما نشر على صفحات التواصل الاجتماعي واكبر دليل هي لصور التي تم نشرها لمنطقة البحيرات التي تم استحداثها في المنطقة.
شكل المنتزه بعد التطوير
متى يتم افتتاح حديقة المنتزه للجمهور؟
قال اللواء بهاء طاحون رئيس مجلس إدارة شركة المنتزه للاستثمار السياحي انه تقرر فتح حديقة المنتزه امام الجمهور في شهر سبتمبر القادم بعد ان تم اغلاقها ما يقرب 5 أشهر مع الالتزام بالإجراءات الاحترازية للتعقيم والتطهير للوقاية من فيروس كورونا.
أسعار تذاكر حديقة المنتزه بعد التجديد
لم يتم الإعلان عن أي تغيير في أسعار التذاكر حتى الآن فهي كما كانت قبل التطوير 25 جنيه للتذكرة ولكن هذا السعر قابل للتغير.
كم يبلغ سعر تيكت الدخول والشواطئ ؟
انت فاهم انت كاتب ايه
طيب انت زورت المنتزه حاليا
استحاله
كلامك غير مطابق للحقيقه للاسف
علي مارايت الاسبوع الماضي فطبعا استحالة الافتتاح اول سبتمبر ٢٠٢٢
المنتزه تقريبا مدمره ولم الي اي من الصور المنشورة في البوست
حضراتكم بتقولوا انكم شيلتم الكتل الخرسانيه والشاليهات الي كانت بتمنع الرؤيه . طيب تفسروا بايه الجدار الاسمنتي الي منع رؤيه البحر امام السلالاملك وتفسروا بايه الفندق ال المتعدد الادوار في شاطيء عايده علي طرف المنتزه امام الشيراتون . مش كل ده تعديات خرسانيه علي طبيعه كانت حره . تاني حاجه يعني ايه منقدرش نتحرك بالعربيه في المنتزه وكبار السن يعملوا ايه . وان قولت فيه عربات البولو . في الشتاء لو حبينا نروح والدنيا مطرت ولا الجو كان بارد . اصحاب السيارات كانت متعتهم الجلوس امام البحر في سيارتهم . انا واحده من الناس مبحبش قعده الكافيهات والفنادق ليه تحرمونا من متعتنا الوحيده في اسكندريتنا .
احسنتي
شكرا جزيلا لهذه المعلومات المبشرة بالخير
التطوير حاجه مهمه ولكن الأهم المحافظه علي التراث لان الأماكن التاريخيه لها طابع خاص بها ولابد من المحافظه علي التراث كل الأماكن الحديثه تبني وتحدث كيفما ترون انما الأماكن التراثيه لابد من المحافظه عليها نفسي اشوف الكورنيش اللي مات
التطوير حاجه مهمه ولكن الأهم المحافظه علي التراث لان الأماكن التاريخيه لها طابع خاص بها ولابد من المحافظه علي التراث كل الأماكن الحديثه تبني وتحدث كيفما ترون انما الأماكن التراثيه لابد من المحافظه عليها نفسي اشوف الكورنيش اللي مات
منتزه انهو اللي كنت لسه فيه اول امبارح ده بقي عباره عن دمار وتجريف وخراب شامل بقي حاجه بشعه بجظ
نحن اعضاء نادي الجرينلاند هدموا النادي وطردنا منه بعد اشتراك تحاوز العشر سنوات اين خقنا في دوله القانون طرقنا كل الابواب ولااحد يرد
كان أولى بك قبل أن تكتب عن هذا الموضوع ان تزور المنتزة بنفسك وتشهد ما حدث به من قطع جائر الأشجار النادرة وعمل كتلة خرسانية كبيرة مكان شاطئ عايدة
كان أولى بك قبل أن تكتب عن هذا الموضوع ان تزور المنتزة بنفسك وتشهد ما حدث به من قطع جائر الأشجار النادرة وعمل كتلة خرسانية كبيرة مكان شاطئ عايدة
تمام لما نروح هنشوف بس المهم الاسعار تكون مقبولة وتكون شاملة مش تنقسم إلى مائة حاجة وكل مكان له تذكرة طبعا يستثنى من كده الفنادق والبلاجات
واخبار نادي الجرينلاند ايه و١٠ ألاف عضو وحقهم فين دولة القانون وفين الدستور المحافظ علي حقوق المواطن لن تتنازل عن حقوقنا المشروعة والقانون معنا
هو اى كلام وخلاص هو انت اسكندرانى ولا روحت شوفت المشروع بنفسك
لا حصل تجريف وعلى مساحات كبيره جدااااا
فبطلوا تجميل ونزيف للحقائق المنتزة ضاعت والمشروع اصبح بمثابة سبوبه
ياريت الناس اللى بتتكلم عن المنتزه.. تروح وتشوف التطوير بعنيها.. بدلامن ان تسمع من ناس هدفها الاحباط وخلاص.. على فكره تم انشاء المنتزه وكان تعددنا اقل من 15مليون دلوقتى احنا اكتر من 100مليون.. فكان لابد من التطوير ومحاكاة العصر الحالى واضافة خدمات جديده متطوره تتفق مع بيئة المنتزه والاعداد المتزايده.. اما بالنسبه للكبائن التى تم انشائها من جديد فهى مخصصه لجميع طبقات الشعب للايجار يوم واحد فقط لاستفادة اكبر عدد منها خلال اشهر السنه وباسعار زهيده جدا.. بدلامن تخصيصها لفئه معينه جميعنا نعلمها جيدا.. اما بالنسبه للاشجار النادره فقد تم المحافظه عليها بل وزيادتها.. واشياء كثيره اخرى لا يتسع الحديث عنها الان فى هذا المقام.. لذا ارجو الا نستمع الى الاقلام المغرضه التى لا تريد الخير لمصر.. و ارجو ان تذهبوا و تشاهدوا التطوير باعينكم ولا تسمعوا لاى قلم يحاول التقليل من اى انجاز يحدث على ارض مصر حاليا..
صح كده للعرب و الماس اللى جايين من بره اصحاب العمله ااصعبه
من اجمل الاماكن وفيها زكريات كتير اوي لما شوفتها متخربه زعلت جدااا كانو اضافو فيها حاجات من غير ماتخرب كده
بجد حسبي الله ونعم الوكيل خربتوا اسكندريه كلها ومبقاش ليها طعم من بابا أولى صلحوا الطرق الخرابانه اللي انتوا سيبنها مش تروحوا تضيعو ا فلوس الشعب عالفاضي
المنتزه من اجمل الاماكن السياحيه فمصر . تحتاج لخدمات ومطاعم زياده
فين التطوير ولمين
حنشوف التطوير حيبقى للمصريين العاديين ولا للسياحه الفاخره
وكفايه كميه اشجار النخيل اللى اختفت
وكمان الحدائق والانديه اللى تم الاستيلاء عليها من اجل التطوير واسألوا اعضاء نادى جرين ونادى الرياضات المائيه
ياريت تفضل اسعار التذاكر فى المتناول ومتوصلش ١٠٠ جنيه او اكتر
والله يرحم الايام الجميله لحدائق المنتزه الخضراء
وكان لزمته ايه ياخد من الناس الكبائن بتاعتهم ماكان دفعهم حق تطويرها وسابهالهم مادام عمل كياين من اول وجديد ولا الاشجال اللى اتجزت وماتت حطوا بدالها تانى ليه ماكانوا سابوها ولا هو كتر فلوس وخلاص
المنتزه تحولت لمنتجع لتحصيل الفلوس مبقاش فيه الطبيعه الجميله اللي كانت بتميز المنتزه عن اي مكان تاني وعمر المشروع ده ما هينجح بسبب ظلم اعضاء نادي الجرين لاند وسرقه حقهم و طردهم هما واولادهم من النادي و الاستلاء عليه يكفي دعاء الناس اللي اتظلمت