طرح مطرب المهرجان عمر كمال أغنية جديدة على صفحته الرسمية بموقع تبادل الفيديوهات الشهير يوتيوب.
الأغنية طرحت منذ ثلاث أيام بعد صدور قرار منعه من الغناء بقرار من نقابة الموسيقيين وحققت مليون مشاهدة منذ طرحها في يوم 17 فبراير من الشهر الجاري.
الاغنية من كلمات سلمى رشيد وتامر النجاروألحان عمر كمال وتوزيع محود صادق.
كلمات أغنية أيام زمان – عمر كمال
حنيت لمكانى وانا وسط جيراني
ياما في عز المحنه شالوني وتعبوا عشاني
بحن لحكاويهم والسنده عليهم
فاضل منهم اجمل سيره.
كانت احلى ليالى
كان في أمان مع ناس زمان كان في حياة
لو غابوا روحهم في المكان ومحلياه
في ذكريات من ناس في قلبي مونساه
كان في حبيب وعنيا لسه مصدقاه
كل اللى كان سافر بعيد نسأل عليه
رمضان زمان تفاصيله غير دلوقتى ليه
ولا عمر عدي علينا عيد حسينا بيه
الا اما نتجمع عشان نتلاقى فيه
بحن لبيت جدي وحدوته ستى
لمدرستي في الابتدائيه عن بإلى ما غبتى
بحن لوقفه عيد لعيديه ولبس جديد
بحن لوقفه عيد وعيديه ولبس جديد
بحن لكل شيءكان فيا مبقاش دلوقتى
غمضت عيني وبفتكر ايام زمان
شايف قصادي 100 حكايه و100 مكان
سبحه ابويا ودعوه أمي ساعة الادان
وجواب في ورقه حدفتها لبنت الجيران
وحشتنى رحلة سندباد وبورسعيد
بالعوامات في وسط موجه نروح بعيد
غية حمام مليانه خير على سطحنا
والشمعدان واتاري ماريو وصوت حميد
بيتنا القديم مليان صور بتقول كلام
مليانه فرحة وفيها ود واهتمام
ده مكانش حد يقول لحد خلاص سلام
الا اما يتأكد بأنه بخير تمام
وشارعنا ياما جمعنا واحنا صغيرين
كان كل يوم نلعب سوا مش فين وفين
والناس بتضحك ليل نهار كانوا فرحانين
حاسين في لمتهم دفي متطمنين
ياما في عز المحنه شالوني
بحن لحكاويهم والسنده عليهم
فاضل منهم اجمل سيره.
كانت أحلى ليالى.
https://www.youtube.com/watch?v=7hiNbFWv-Pg
