بعد الضجة التي اثارها سائق التوك توك في برنامج عمرو الليثي التي تكلم فيها عن تردي الاوضاع الاقتصادية في مصر مما اذهل رواد مواقع التواصل الاجتماعي عن مدي لباقته وثقافته ومعرفته الواسعة بتاريخ مصر الاقتصادي اتهمت كثير من صفحات الشرطة المصرية الموجودة على موقع التواصل الاجتماعي فيسبوك بانه عضو سابق في حزب الحرية والعدالة الاخواني.
ذكرت صفحة ” الشرطة المصرية ” عن خريج التوك توك انه: اسمه محمد جابر وطلع مدرس اعدادي وكان عضو في حزب الحرية والعدالة وعنده محل كمبيوتر وطلع حماه ناظر مدرسة متحفظ عليها لأنها مدرسة اخوانية ”
شهد ذلك هجوم كبير من متابعين الصفحة بسبب اتهام ادمن الصفحة لخريج التوك توك بانه اخواني وعدم الرد عليه فيما قاله وكانت التعليقات كالتالي :
” Mai Maher Farhoud ”
ايوة ولنفرض انه مدرس وكومبارس وحرامي كمان !
قال حاجة غلط ! قال حاجة كدب ما تجيب الكلام الي قالوا وناقشوا بدل ما تقول هو مين
وبعدين مش خلاصنة بقى من موضوع الاخوان وشماعة الاخوان.
” Khaled Khatab ”
انتو مش لسه قايلين انه كومبارس
و حتى لو كومبارس أو عضو ف الحريه والعدله
هو اصلا مقالش حاجه غلط
بس انتو ديما اي حد ميجيش ع هواكو يبفي اخواني
اي حد يقول الحقيقه يبقو اخواني
اي حد ينتقض الشرطه أو الرئيس أو الحكومه يبفي اخواني.
وفي تعليق اخر لصفة أخرى باسم ” الشرطة المصرية ” قال :
“انا هعلق على كام نقطة بس بالنسبة لسواق التوك توك حديث الساعة..
– الراجل اتكلم عن ازمه السكر اللي بقالها كام يوم واتحلت بنسبة كبيرة.. بس متكلمش عن ازمه العيش والبنزين والانابيب والكهرباء اللي اتحلت..
– اتكلم عن مصر قبل السيسي كانت سويسرا ودلوقتي بقت صومال.. بس هو نسي أن قبل السيسي كانت عمليات ارهابية وتفجيرات شبه يومية وشهداء بيسقطوا يوميا في كل محافظات مصر.. نسي مشاهد الاشتباكات اللي كانت يوميا مع الاخوان وحرق الممتلكات والسيارات في الشوارع.. نسي مشهد الدشم اللي كانت في الشوارع والاشتباكات المسلحة في الشوارع..
– اتكلم عن انه مش عايز مشاريع قومية وعايز صحة وتعليم.. معاك أن قطاع الصحة والتعليم مش على المستوي المطلوب بس في تحسن.. والمشاريع القومية دي منها مساكن اجتماعية لاهالي العشوائيات اللي ميتين اكلينيكيا بسبب الزبالة اللي عايشين وسطها..
– اتكلم عن نقطة مهمة اوي.. الضحك على الشعب بعبارات عيش حريه عداله اجتماعية من الذين استفادوا من تلك الفوضى ومشاكل الدولة.. ونسي انهم هما هما نفس الناس اللي بتدعي لثورة بأسم الغلابة في شهر 11
#تحيا_مصر بالضمير اليقظ والعمل الجاد والقانون النافذ العاجل ”
وجائت أيضاً ردرد افعال المتابعين غاضبة من رد ادمن الصفحة.
