شقيقة سعاد حسني ترد على تصريحات حسن يوسف الأخيرة: «غيرت شهادتك بعد صفوت الشريف ما مات يا مُتدين»
قامت جانجاه شقيقة الراحلة سعاد حسني، بالرد على تصريحات الفنان حسن يوسف الأخيرة، والتى أشار فيها بأن الراحلة قًتلت ولم تنتحر، موضحة بأنه سبق وقال فور وفاتها بأنها انتحرت خوفاً من صفوت الشريف المُتهم الأول بقتلها، على حسب ما قالته.
شقيقة سعاد حسني ترد على تصريحات حسن يوسف الأخيرة: «غيرت شهادتك بعد صفوت الشريف ما مات يا مُتدين»
وأكدت شقيقة الراحلة، من خلال تصريحاتها مع القاهرة 24، حيث قالت:ـ “حسن يوسف قال عن سعاد بعد ما ماتت إنها انتحرت، ودلوقتي بعد صفوت الشريف ما مات بيغير كلامه، واليوم بيقول إنها قُتلت ولم تنتحر، وياريت الناس تشوف كلامه بعد الواقعة وكلامه دلوقتي، ومش هقدر أقول غير لكي الله يا حبيبة الروح والقلب، وحسبنا الله ونعم الوكيل”.
وواصلت:ـ “وللأسف الشديد حسن قال كلام كتير مش صحيح بعد موت أُختي، وده بالرغم من إنها كانت انسانة بسيطة ولا تتكبر على الناس، ودائما ما كان يحس الجميع بأنها مثلهم، وبجد كانت بتحب البساطة والبسطاء ومش بتحب التكبر ولا التكلف، وده مش معناه إنها زي ما قال عنها على الرغم من أنه رجل دين”.
وأضافت:ـ “الفنان حسن يوسف حسابه عند ربه، وكمان كل اللي قال عليها كلام مش كويس، أكيد هيكون في قصاص بينهم يوم الموقف العظيم، وساعتها كل شخص هياخد حقه”.
ومن جانبه، فقد قام الفنان حسن يوسف من خلال تصريحاته بـ ندوة أُقيمت على هامش تكريمه بـ قصر السينما، بالتحدث عن علاقته بالراحلة سعاد حسني، وكشف عن رأيه في واقعة موتها الغامضة، حيث قال:ـ “أعتقد إن سعاد اتقتلت ومنتحرتشي، وده علشان المنتحر بيكون جمبه دماء، وتقريباً اتقتلت في الشقة قبل ما تترمي.. ممكن يكون في شخص إداها حقنة توقف القلب مثلاً”.
