صرحت ريم طارق زوجة المطرب الشعبي المعروف حسن شاكوش، بأن أزمتها مع زوجها ما زالت مستمرة، وكشفت عن تطورات الأزمة إلى جانب تأثرها بتصريحات حسن ضدها، وأشارت بأنها ليست من مُتابعيه ولا تهتم بما يقوله.
زوجة حسن شاكوش: «مش بهتم بكلامه وانتوا هتخلوني اعمل حاجة في نفسي يا إما هفضحه»
وأكدت زوجة شاكوش، من خلال مداخلة هاتفية مع الإعلامي أحمد عبدالعزيز، والذى يقوم بتقديم برنامج “الوسط الفني”، والذي يُذاع عبر فضائية “الحدث اليوم”، قائلة:ـ “أنا مش بهتم بأي حاجة بيقولها، واقسم بالله أنا مش من فانز حسن، ومش بحب اتابع اللي بيقوله، واكيد هاخد إجراء قانوني ضد الحاجات اللي كان بينشرها وبيقولها عني، وعلى فكرة معملتش حاجة وحشة خالص”.
وتابعت ريم:ـ “وفي ناس اليومين اللي فاتوا بيقولوا اني رجعت له، وكتير من الناس على انستجرام بتقولي اوعي تعملي حاجة زي كده، واوعي ترجعي له.. انتي هتبقي مهزأة وهيتقال فيكي وفيكي”.
وأما عن عدم تضامن البعض معها بسبب سجدة الشكر في حفل الزفاف، ردت:ـ “السجدة الناس كلها عارفة سببها، وأنا مش عاوزة اتكلم في حاجة دلوقتي، وكل اللي حصل انه كان عاوزني اشكر ربنا علشان كنت بصلي، وده علشان هو كان قيمة وقامة وبيصون عرضه، وهو كان عاوزني اعمل كده علشان ارضيه”.
وواصلت زوجة شاكوش:ـ “وعلى فكرة أنا كنت بثبت حالة، ولكن الصحافة هى اللي كانت بتشتغل على الموضوع، وده مش معناه انك تدوس عليا وتشهر بيا قدام الناس، وكمان تقول عندي امراض وتشوه سمعتي بالشكل ده.. انتوا هتخلوني اعمل حاجة في نفسي يا إما هفضحه”.
