رامي رضوان لمروجي الإشاعات: خلوا الضمير الصحفي يسبق اللهث وراء اللايك والشير وحسن الرداد: ارحمونا شوية
وجه الإعلامي رامي رضوان رسالة قاسية للصحفيين ولمروجي الإشاعات الذين نشروا إشاعة عن وفاة الفنانة “دلال عبد العزيز” في ثلاث منشورات متتالية عبر صفحته الرسمية على موقع التواصل الاجتماعي “فيسبوك”، وأوضح ما نصه، “الواحد ما بيتمناش غير كل الخير للناس، بس فاض الكيل، يارب كل واحد نشر الإشاعة الملعونة دي يشوفها في حبايبه، وللسادة رؤساء التحرير.. انتقوا صحفيينكوا، إيه القرف ده (للتوضيح.. أعني من نشر صحفيا. ما قدرشي اللوم الناس)”
رامي رضوان لمروجي الإشاعات: لعنة الله عليكم
وكتب رامي أيضاً في بوست آخر لكل المواقع الصحفية التي نشرت إشاعة وفاة الفنانة “دلال عبد العزيز”، وقال ما نصه. “كل موقع نزل الإشاعة اللي نزلها دي، ينزل اعتذار فورا.. يا إما سيكون لي موقف تاني، والحذف مش حل، معايا سكرين شوت لكل من نشر. لعنة الله عليكم. إحنا ناقصينكم“.
بكل هدوء أنا رقمي مع طوب الأرض
وفي منشور ثالث، قال رامي رضوان زوج ابنة الفنانة ما نصه “بكل هدوء، أنا رقمي مع طوب الأرض، ولا يوجد رئيس تحرير ليس معه رقم هاتفي، ولا يوجد منهم من لا يعرفني شخصياً، وتقريبا لا يوجد صحفي إلا ومعاه رقم تليفوني. بأي منطق. أو عقل أو إنسانية، أو مهنية. ينزل خبر زي ده بدون تحقق؟.”
واستطرد زوج الفنانة دنيا سمير غانم “طيب راعوا الظروف المؤلمة التي نعيشها منذ شهور إلى الآن“.
راعو ضميركم في أي خبر
وقال في آخر منشور أيضا، “طب راعوا ضميركم، طيب راعوا إنسانيتكم، طيب راعوا مهنيتكم. أنا قلت قبل كدا وسأقولها مرة أخرى. ويارب تحوأ المرة دي، خلوا الإنسانية والضمير الإنساني والصحفي يسبق “اللهث” وراء السبق. واللايك، والشير في كل ما يخص أرواح الناس. وفي أي خبر“.
حسن الرداد يغرد ارحمونا شوية
يا ريت المواقع الصحفية اللى بيكتبوا اى اخبار عشان يعملوا نسب مشاهدة ارحمونا شوية و راعوا مشاعر الناس و عيب على المواقع الكبيرة اللى تناقلت الخبر و اللى اصبحت بالنسبة لى صحافة صفراء ليس لها قيمة🤮، فالخبر المنشور عن حماتى #دلال_عبد_العزيز غير صحيح
— Hassan El Raddad (@hassanelraddad) July 23, 2021
وغرض الفنان حسن الرداد زوج الفنانة إيمي سمير غانم على حسابه الشخصي على موقع التواصل الاجتماعي “تويتر”، ما نصه. “ياريت المواقع الصحفية اللي بيكتبوا أي أخبار علشان يعملوا نسب مشاهدة ارحمونا شوية. وراعوا مشاعر الناس. وعيب على المواقع الكبيرة اللي تناقلت الخبر واللي أصبحت بالنسبة لي صحافة صفراء ليس لها قيمة“.
