“حسبي الله ونعم الوكيل.. يا خرابة البيوت”.. بسمة بوسيل أخيراً تتحدث عن سبب طلاقها من “تامر حسني”
بعدة فترة من انفصالها من الفنان تامر حسني، أعلنت بسمة بوسيل عن السبب الرئيسي للطلاق، حيث بينت أن مديرة أعمال زوجها السابق هى التي تسللت لتدمير علاقتها بزوجها.
حيث يذكر أن بسمة قامت بنشر ستوري بصفحتها على الانستقرام، والتي تتضمن على صورة لتامر حسني مع مديرة أعماله “هالة عمر” بحفلة زفافها، وكتبت بسمة: “حسبي الله ونعم الوكيل فيكي يا هالة”.
كما أوضحت بسمة في ستوري أخرى على حسابها بموقع انستجرام، حيث قالت: “كانت سببا في خراب البيت.. احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك”.
إحياء تامر حسني لحفل زفاف هالة عمر
والسبب وراء خروج بسمة بوسيل عن صمتها، هو بعد نشر الفنان تامر حسني فيديو عبر صفحته على الانستجرام وهو يقوم بإحياء حفل زفاف مديرة أعماله “هالة عمر”.
كما علق تامر على الفيديو قائلاً: “لـ كل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها”.
كما تابع تامر حديثه قائلاً: “لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة”.
كما أضاف: “وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب”.
كما أكمل حديثه قائلاً: “فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله”.
وأخيرا اختتم تامر الحديث قائلاً: “ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
