سردت الممثلة نشوى مصطفى، تفاصيل موقف إنساني عظيم للفنان هشام سليم، الذي رحل عن عالمنا أمس الخميس.
وتوفي هشام سليم، عن عمر ناهز 62 عامًا، بعد معاناة مع مرض السرطان، وتم تشييع الجثمان أمس الخميس.
وقالت نشوى مصطفى عبر حسابها الرسمي على موقع التواصل الاجتماعي فيس بوك “افتكرت حاجة عن هشام سليم يمكن مش كتير يعرفوها.. في يوم راجعة من التصوير وكان فيه أستاذة ممثلة كبيرة الله يرحمها اسمها ثريا إبراهيم – قالت لي نشوى معنديش عربية توصليني في طريقك لأقرب مكان أنزل أخد تاكسي”.
وتابعت “قلت لها تاكسي إزاي هوصل حضرتك لباب البيت.. وإحنا ماشيين قالت لي عارفة الشقة اللي حتوصليني ليها دي مين جابهالي.. قلت لها مين؟؟ قالت لي شيريهان”.
ونوهت “وحكت لي إنها كانت بتشتغل معاها مسرحية شارع محمد علي، وكانت بتيجي كل يوم من طنطا إلى القاهرة وترجع تاني لأن بيتها كان هناك.. ولما شريهان عرفت قالت لها شوفي الشقة اللي تحبيها وأنا هشتريها ليكي.. ولما اشترتها كانت فرحانة أوي”.
وأوضحت “لما هشام سليم عرف بارك لها وقال لها فرشتيها ولا لسه.. قالت له فرشتها، قال لها كان نفسي أفرشهالك، قالت له وهي بتهزر طيب ما تعمل حاجة تانية قال لها تحت أمرك.. قالت له نفسى أحج.. تاني يوم لقيت شركة سياحة بتكلمها وبلغتها إن هشام دفع كامل التكلفة وكانت 50 ألف جنيه.. وكمان وهي رايحة عطاها مصروف الرحلة وقال لها إدعيلي بس كده.. ألف رحمة ونور عليه”.
ورد عليها الشاعر محمد أحمد بهجت في تعليق “الله يرحمه لما تشرفت بالعمل معاه في أول أجزاء قصص القرآن الكريم.. قصص الحيوان في القرآن وهو أدى دور هدهد سليمان.. رفض يأخذ أجره عن العمل وحاول مدير الإنتاج ومدير الشركة معاه كتير.. وقال لهم كفاية علي شرف المشاركة في عمل بيحكي قصص القرآن الكريم.. ولما قعدت معاه والله لقيته بسيط وجميل كأننا أصحاب من 20 سنة”.
يذكر أن الفنان هشام سليم، هو نجل الراحل صالح سليم رئيس النادي الأهلي السابق.
ويمتع هشام سليم بمشوار فني مميز من خلال المشاركة في العديد من الأفلام والمسلسلات والمسرحيات.
ومن أهم أعماله الدرامية على الشاشة الصغيرة، المصراوية وهجمة مرتدة وأماكن في القلب وليالي الحلمية والكومي.
أما أبرز أفلامه كانت إمبراطورية ميم مع سيدة الشاشة العربية، فاتن حمامة، وعودة الإبن الضال وخيانة مشروعة والأراجوز.
كما شارك هشام سليم، في مسرحية شارع محمد علي، مع وحش الشاشة فريد شوقي وشريهان ووحيد سيف والمنتصر بالله.
اللهم صل وسلم وبارك على سيدنا محمد وعلى اله وصحبه اجمعين اڵلـَِْــــﷻــہهم ارزقني حسن الخاتمه