قال الرئيس عبد الفتاح السيسي رئيس جمهورية مصر العربية، خلال كلمته مع الشعب المصري أمس بخصوص افتتاح مشروع مجمع إنتاج الإيثليين ومشتقاته بالإسكندرية، بأن البلاد لا تخصه وحده، بل تخصه وتخص المسؤولين والجهات الحكومية والشعب المصري أيضاً، مضيفاً: “أي حد يقولي هزود المرتبات إزاي ومنين؟!”.
ومنن خلال كلمة الرئيس السيسي للشعب المصري، علق سيادته على العديد من الموضوعات، أبرزها ارتفاع أسعار الكهرباء، وسعر تذكرة مترو الآنفاق، وحال الوضع الاقتصادي المصري الآن بالبلاد.
فقد قال الرئيس عبدالفتاح السيسي، بأن ارتفاع أسعار الكهرباء تعمل على زيادة 20 مليار جنيه لقطاع الكهرباء، من أجل إنشاء محطات جديدة لتوليد الكهرباء، والقيام بعمليات الصيانة من مكان لاخر.
وبالنسبة للإصلاح الإقصادي، أشار السيسي بأنه في أيام السادات عام 1977 تم التراجع عن أول محاولة للإصلاح الاقتصادي، لعدم قبول المصرين بذلك، حيث كانت تخشى الحكومات القيام بإجراءات الإصلاح تجنباً لرد فعل المواطنين المصريين.
وفي سياق متصل، أضاف السيسي بأن سعر تذكرة المترو تصل لـ10 جنيهات بعد اخر محاولة لزيادة أسعار تذاكر المترو منذ 12 عاماً، بالإضافة لذلك عندما قامت الحكومة المصرية بزيادة الحد الأدنى لرواتب المواطنين من خلال المعشات، لم يعجب المواطنين، وعند زيادة أسعار تذاكر المترر والكهرباء يقولون: “ده كتير” – فيما قال :
هي الجنيهات بتاعتنا ملهاش قيمة وجنيهاتكم هى اللي ليها قيمة؟!
وأوضح السيسي قائلاً كيف نزود المرتبات ولا يوجد موارد، مطلبا المرأة المصرية إلى ترشيد استهلاك الكهرباء والمياه.
ان كنت قدرنا فالله يرحمنا وان كنا قدرك فالله يوفقك وأرجو يكون في بصيص من العدل فقط لا غير
امال ازاي زوت المعاشات ومنين اشتريت طيارات ومنين مزود القضاه ومنين حوافظ المستشارين فين دخل قناة السويس بس
مش دي الي كنتو بتقولو عليها هتظبط الدوله ولا طلع مشروع فاشل
منك لله تزود الجيش هو انتو ناس واحنا ناس
بالتاكيد في انجازات محدش ينكر لاكن في سلبيات بالنسبة لموظفين الدولة الحكم المحلي اللي مررتباته في النازل حرام الناس مش عارفة تدور نفسها ولا عشتها ارحمو من في الارض يرحمكم من في السماء
والله مش عارف الراجل هايعمل ايه تاني احنا شعب اصلا مش وش نعمه والراجل ده خسارة فينا …. شعب متخلف
الراجل بيشتغل 24 ساعه ده حتي المحافظين مش قادرين يلموا وراه الراجل مابينامش ياجماعه الراجل تعب مننا وكل قرار بياخدو بالنسبه لرفع اسعار الكهربا والمياه وتذاكر المترو قرار صح لاننا نستاهل اكتر من كده
مسحتوا التعليق ده متوقع برضة
يجيب فلوس من طرد اقارب الوزراء اللى اتعينوا فى وظائف عليا وبينهبوا فى البلد مثل قريب وزير التموين رئيس مجلس ادارة شركتى النيل والاهرام للمجمعات وتطبيق الحد الاقصى للاجور وصرف رواتب ومعاشات الجيش من مشروعات الجيش اللى مسيطرة على اقتصاد مصر ومحاربة الفساد ويكون شجاع اللى مش عاجبة تطبيق الحد الاقصى او محاربة الفساد يتنيل يقعد فى بيته دون معاش كفاية اللى هما سرقوة
مسحتوا التعليق؟
ازاي..زي ما اتزودت المعاشات العسكريه
منين..من نفس المكان اللي اتزود منه القضاء
منين و ازاي ..من المخالفات اللي بتسجلها الشرطه و فلوس الدمغات اللي ع اي ورقه بنخرجها م الأقسام
من الصناديق الخاصه المنهوبة..وحوافز مستشاري الوزراء اللي بيقولوا نلغي الدعم و نربط الحزام ومن دخل القناه الجديده و فلوس الإمارات اللي جت و السعوديه اللي حاطه ودايعها عندنا
فكر حضرتك كده..ينفع؟
لكى الله يامصر