الإعلامية دعاء فاروق “الراجل اللي هيدخل يقول كلمة مش مظبوطة هشوطه..أنا مش بيفرق معايا مخلوق”
قامت الإعلامية الشهيرة “دعاء فاروق” بالتعبير عن مدى غضبها بعد الهجوم عليها من خلال الردود الغير لائقة على بعض منشوراتها، مؤكدة على أنها سوف تلجأ إلى حظر أصحاب تلك التعليقات.
وقامت الإعلامية دعاء بكتابة منشور كبير عن طريق صفحتها الرسمية بموقع التواصل الإجتماعي “فيس بوك” قائلة: مفيش أي ست تزعل أما تلاقي جوزها عمال يتهزأ عندي عشان نبقى على نور.. اي واحد هيدخل يعلق على أي صور ليا أو اخواتي وصديقاتي بشكل غير لائق ههزأة قدام أمة لا إله إلا الله.
وأكملت في منشورها: أي حد ملوش إنه يحكم إلا على أهل بيته بس، ومتدخلش تعلق عندي بأي حرف وحش أو حلو لإني هعملك بلوك، مش عاوزة أي حد يدخل ويعلق عندي على أي ست وشكلها، كلهم زملائي وملكمش دعوة شكلها ايه ولابسة ايه، عشان مش هتعرف تتلم على كرامتك.
وإختتمت حديثها: أي راجل هلاقيه داخل يقول كلمة مش كويسة أنا هشوطه، أنا مبيفرقش معايا مخلوق، حاسبوا نفسكوا الأول على حياتكوا قبل ما تحاسبوا الناس على حاجات مش من حقكوا.
