وزيرة الهجرة تنشر فيديو لـ 1700 طالب مصري محجوزين على الحدود

نشرت وزيرة الهجرة الدكتورة نبيلة مكرم فيديو لحوالى 1700 طالب مصري محجوزين على الحدود المصرية السودانية وممنوع دخولهم مصر إلا بعد تحليلهم لفيروس كورونا، وقد تم التواصل مع أهلى الطلبة العالقين، وتم التواصل مع وزارة الصحة لسرعة التحليل للطلبة، حيث ان الطلبة كانوا عطشانين وجعانين، وقد قام أحد رجال الأعمال بالتبرع بالأتوبيسات التى ستنقلهم إلى بيوتهم وكذلك قام بإحضار وجبات غذائية للطلبة، كما قامت قوات حرس لحدود المصرية بتوصيل الوجبات للطلبة.

وزيرة الهجرة تنشر فيديو لـ 1700 طالب مصري محجوزين على الحدود 1 20/3/2020 - 7:24 م

وكتبت الدكتورة نبيلة مكرم على صفحتها الرسمية على موقع التواصل الاجتماعي الفيسبوك قائلة “1700 طالب عالقين على الحدود المصرية السودانية، بقالنا يومين في شغل صبح وليل على معبر قرسطل، كله بيشتغل بس لازم كمان نتأكد من سلامتهم، وضبطنا مع وزارة الصحة يجيولنا على المعبر يحللوا للأولاد.. ده بياخد وقت.. والأولاد جعانة وعطشانة وزهقانة.. بس حسوا بالفرق، وشافوا المعاملة الطيبة من رجالتنا بتوع حرس الحدود بعد ما الدولة فتحت المعبر وشافت وزارة الهجرة بتكلمهم على تليفوناتهم وترجع تطمن أهاليهم”.

وأضافت الدكتورة نبيلة مكرم على تعليقاً على الفيديو التى قامت بنشره على صفحتها الرسمية “وشافوا وزارة الصحة اللي جاتلهم.. شافوا مصر معاهم، طب حياكلوا ويشربوا منين لغاية ما تخلص فترة التحليل.. رجل أعمال وطني مش بس استجاب ووافق على طلبي بتوفير أتوبيسات ونقلهم من المعبر لبيوتهم بس كمان زود من عنده الوجبات.. طب نوصلها إزاي للعيال والمعدية اللي بتنقل الأوتوبيسات بتقفل الساعة 5.. جم بقى حرس الحدود.. قالوا مالكوش دعوة حنتصرف.. جابوا مراكب خاصة ولانشات لنقل الوجبات”.

كما ذكرت الدكتورة نبيلة مكرم وزيرة الهجرة فى ختام تعليقها على المنشور الخاص بها “رسايل الأمهات اللي بتدعلينا هي أجرة كل واحد فينا اشتغل في اليومين دول.. والنهارده يوم الجمعة كله لسه شغال علشان بتوفيق ربنا كلهم حيرجعوا بيوتهم.. كل واحد فينا عارف شغله وشغل وزميله.. علشان كده النجاح بيبقى للكل.. حمدلله على السلامة”.

وننشر الفيديو الذى يظهر مدي سعادة الطلبة المصريين بعد التواصل معهم لحل مشاكلهم للعودة إلى مصر وطنهم الغالى

١٧٠٠ طالب عالقين على الحدود المصرية السودانية.. بقالنا يومين فى شغل صبح وليل على معبر قرسطل..كله بيشتغل بس لازم كمان نتاكد من سلامتهم..ضبطنا مع وزارة الصحة يجيولنا على المعبر يحللوا للأولاد ..ده بياخد وقت…والاولاد جعانة وعطشانة وزهقانة..بس حسوا بالفرق..شافوا المعاملة الطيبة من رجالتنا بتوع حرس الحدود بعد ما الدولة فتحت المعبر وشافت وزارة الهجرة بتكلمهم على تليفوناتهم وترجع تطمن اهاليهم.. وشافوا وزارة الصحة اللى جاتلهم..شافوا مصر معاهم.طب ح ياكلوا ويشربوا منين لغاية ما تخلص فترة التحليل.. رجل أعمال وطنى مش بس استجاب ووافق على طلبى بتوفير أتوبيسات ونقلهم من المعبر لبيوتهم بس كمان زود من عنده الوجبات..طب نوصلها ازاى للعيال والمعدية إللى بتنقل الاوتوبيسات بتقفل الساعة ٥… جم بقى حرس الحدود…قالوا مالكوش دعوة ح نتصرف..جابوا مراكب خاصة ولانشات لنقل الوجبات.رسايل الامهات اللى بتدعلينا هى أجرة كل واحد فينا اشتغل فى اليومين دول..و النهاردة يوم الجمعة كله لسة شغال علشان بتوفيق ربنا كلهم ح يرجعوا بيوتهم.كل واحد فينا عارف شغله وشغل وزميله.. علشان كده النجاح بيبقى للكل..حمدلله على السلامة..

Gepostet von Nabila Makram am Freitag, 20. März 2020