“مش خايفة من الموت وخايفة جداً من سؤال ربنا ويارب أعرف أرد ساعتها”.. تعرف على أخر ما قالته سهير البابلى عن الموت وسؤال الله

قام عدد كبير من النشطاء على موقع التواصل الإجتماعى على “يوتيوب”، بنشر مقطع فيديو قديم منذ عام 2016 للفنانة سهير البابلى مع الإعلامية رغدة شلهوب، والتى تقوم بتقديم برنامج 100 سؤال، والذى يذاع من خلال قناة الحياة.

"مش خايفة من الموت وخايفة جداً من سؤال ربنا ويارب أعرف أرد ساعتها".. تعرف على أخر ما قالته سهير البابلى عن الموت وسؤال الله

وكانت الراحلة سهير البابلى تتحدث فى الفيديو عن الشائعات التى ترددت حول وفاتها، حيث قامت الفنانة بالرد قائلة:ـ  ” قولت هاهاها وضحكت أوى على الناس اللى طلعوا عليا هذه الشائعة وقولت تانى هاهاها”.

وأكملت الفنانة وقالت:ـ “محدش يستعجل على موتى.. إما يجى وقتى فأهلاً بالموت فى أى وقت.. بس الواحدة منا إما بيجى الموت عليها بتخاف من الحساب، وياريت الكل ياخد بالو أن بقول للكل، وأنا على العموم مش خايفة من الموت بس أنا خايفة من سؤال ربنا على اللى أنا عملتوا”.

سهير البابلي

وتابعت سهير:ـ “لو إحنا كنا مظبوطين وكمان الموت مظبوط فأهلاً بالموت، مش أنا أكون عامله بلاوى كتير ومصائب وعاملة حاجات كتير تُخالف الدين.. هنا الواحدة تخاف من الموت.. ويارب طمن قلبى عند الموت.. وبصراحة هو مين اللى ما يخافشى الموت”.

وأوضحت قائلة:ـ “أنا بخاف كل يوم أحسن الموت يجى عليا يقبض روحى، وأنا كل خوفى من سؤال ربنا عملتى إيه، مصيبة هتلجلج، ويارب ثبتنى وإجعلنى أعمل كل حاجة كويسه فى حياتى ويارب أرضيك علشان لسانى ميتلجلجشى”.

سهير البابلى

وأنهت البابلى حديثها عندما طلبت من المذيعة رغدة شلهوب التفكير فى كلامها وقالت:ـ “ياريت تفكرى فى كلامى، وخلى بالك أنا أعرف ناس جد ما شاء الله عليها مش بتهاب الموت، علشان هما جد وماشيين صح طول عمرهم، ومش معنى أن الله غفور رحيم وبيسامح إننا نفضل على طول نعمل الغلط، وأنا على فكرة بشعر بالذنب لو زعلت حد منى من البسطاء أو العمال وعلى طول بحاول أرضيهم”.

وجديراً بالذكر أن الفنانة سهير البابلى تُوفيت منذ قليل، عن عمر يناهز 86 عاماً، والجنازة ستقام غداً من الشيخ زايد.

سهير البابلى


تابع نجوم مصرية على أخبار جوجل
اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.