كلمات أغنية “ربنا وياك” لمصطفي كامل التي أهداها للمشير السيسي

قام الفنان مصطفي كامل بإعداد أغنية جديدة بعنوان “ربنا وياك” لأهداها للمشير عبدالفتاح السيسي لتهنئته بفوزه في الإنتخابات الرئاسية 2014 بعد أن أظهرت المؤشرات الأولية اكتساحه في نتائج التصويت على نظيره حمدين صباحي.

وقام مصطفي كامل بعمل الأوبريت بالمشاركة مع مجموعة من المغنيين وهم: وجنات، ومحمد فؤاد، وايهاب توفيق.

كلمات أغنية ربنا وياك
عبدالفتاح السيسي

يُذكر أن الأغنية لاقت رواجاً في الأوساط الإعلامية نظراً لأنها أول أغنية يتم صنعها بعد انتهاء الإنتخابات الرئاسية 2014.

والجدير بالذكر أن مصطفي كامل كان قد قام بإعداد أغنية للجيش المصري من عدة شهر بعنوان “تسلم الأيادي” بالمشاركة مع عدد من الفنانيين والمغنين المصريين، منهم: إيهاب توفيق وسمير الإسكندراني وخالد عجاج وأحمد عجاج.

والآن نترككم مع كلمات أوبريت ربنا وياك.

ربنا وياك يابني.. وقلوبنا معاك يابني

الله يقويك يابني.. على مين يعاديك يابني

الله يقويك يابني.. على مين يعاديك يابني

من خطوه لخطوة يا ريسنا ومن نصر لنصر

و بأذن الله تعلى وتعلى وتعيشي يا مصر

ربنا وياك يابن بلادي.. أمانه في ايدك أولادي

غصبن عن كل اللي يعادي.. هتحيا مصر

مبروك على مصر أم الدنيا الصابرة الشقيانة

راجل من أول أزمتنا وشدتنا معانا

راجل قالهالنا من الأول وبكل أمانة

هاتوا إيدكم في إيدي عشان نبني لأبنك ونبني حياة

مبروك على مصر وعلى ناسها اللي أعز ما ليا

ع الوطن العربي وعلى كل الأمة العربية

راجل إبن اصول صاحب مبدأ وإراده قوية

قال جيش الشعب فدا الشعب ولبى للشعب نداه

من خطوه لخطوة يا ريسنا ومن نصر لنصر

و بأذن الله تعلى وتعلى وتعيشي يا مصر

ربنا وياك يابن بلادي.. أمانه في ايدك أولادي

غصبن عن كل اللي يعادي.. هتحيا مصر

مبروك ع المصري اللي مفارق بلده ومتغرب

أطمن على مصر حبيبتك فرحها بيقرب

سايبينها أنا وانت في ايد راجل قائد ومجرب

شال عمره على أيديه وعشانا وربنا نصرو ونجاه

مبروك على مصر وعلى كل اللي اتربى في خيرها

ربنا بيعوض سنة مُرة وبيحلى آخرها

راجل كان أب وكان أخ وكان هو كبيرها

كلنا قولناله معاك يلا وع البركة وبسم الله


تابع نجوم مصرية على أخبار جوجل
اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.

تعليق 1
  1. اية احمد يقول

    بصراحة دي احلي اغنية من بعد تسلم الايادي وبشرة خير وربنا يحمي مصر ويباركلنا في رئيسنا