يصادف اليوم 27 إبريل ذكرى رحيل “فيلسوف البسطاء” صلاح جاهين، الفنان الذي لطالما أبدع وأسرد لنا اشعاره الذي تخلد في الأذهان حتى وقتنا هذا، يتميز الشاعر صلاح جاهين ببساطته وحسه الفكاهي والبهجه في جميع أعماله، أسمه بالكامل هو “محمد صلاح الدين بهجت أحمد حلمي” ولقبه “صلاح جاهين”، شاعر ورسام ومُمثل مصري، أنتج العديد من الاعمال الفنية الذي تخلد في تاريخ السينما المصرية إلى الآن منها: “أميرة حُبي أنا” و”عودة الأبن الضال”، عمل محررا في عدد من المجلات والصحف، وقام برسم الكاريكاتير في مجلة روز اليوسف وصباح الخير ثم انتقل إلى جريدة الاهرام.
ذكرى وفاة الشاعر والرسام صلاح جاهين
واشترك الشاعر صلاح جاهين مع الفنانه سعاد حسني في كثير من الأعمال الفنية واستطاعا أن يحققا تشكيلاً ثنائياً رائعاً، هو بأعماله، وهي بإستعراضتها الفنيه، بين “الدنيا ربيع” إلى أغنية “الحياه بقى لونها بمبي”، وأستطاع الفنان صلاح جاهين أن ينقل البهجه والفرحه في قلوب من عرفو أعماله الفنية… ونقدم إليكم اهم رباعيات الراحل صلاح جاهين:
انا شاب لكن عمرى ألف عام
وحيد ولكن بين ضلوعى زحام
خايف ولكن خوفي منى أنا
أخرس ولكن قلبي مليات كلام
وعجبي!
يأسك وصبرك بين إديك وانت حُر
تيأس ما تيأس الحياه راح تمُر
انا دقت من دا ومندا وعجبي
لقيت الصبر مُر وبردو اليأس مُر
وعجبي!
أنا اللي بالأمر المُحال أغتوى
شفت القمر نطيت لفوق في الهوا
طلته ما طلتوش أيه أنا يهمني
وليه..مادام بالنشوة قلبي أرتوى
وعجبي!
الضحك قال: ياسم ع التكشير
أمشير وطوبة وانا ربيعي بشير
مطرح ما بظهر بنتصر ع العدم
أنشالله أكون رسماية بالطباشير
وعجبي!
قالو السياسة مُهلكة بشكل عام
وبحورها يابني خشنه مش ريش نعام
غوص قيها تلقى الغرقانين
كلهم شايلين غنايم..والخفيف الي عام
وعجبي!
أنا اللي عمري اشتياق في اشتياق
وقطر داخل في محطة فراق
قصدت نبع السم.. وشربت سم
من كتر شوفي وعشمي ف الترياق
وعجبي!
على رجلي دم نظرت له ما احتملت
على إيدي دم سألت ليه؟ لم وصلت
على كتفي دم وحتى على راسي دم
أنا كُلي دم.. قتلت؟ولا انقتلت؟
وعجبي!
أيوب رماه البين بكل العــلل
سبع سنين مرضان وعنده شلل
الصبر طيب.. صبر أيوب شفاه
بس الأكاده مات بفعل الملل
وعجبي!
عجبتني كلمة من كلام الورق
النور شرق من بين حروفها وبرق
حبيت أشيلها فـ قلبي..قالت حرام
ده أنا كل قلب دخلت فيه اتحرق
وعجبي!
والكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
وعجبي!
الســـم لو كان في الدوا مـنين يضر؟
والموت لو عدونا..منين يصر؟
حط القلم فـ الحبر واكتب كمان
و العبد للشهوات.. منين هو حر؟
وعجبي!
في يوم صحيت شاعر براحه وصفا
الهم زال والحزن راح واختفى
خدني العجب وسألت روحي سؤال
أنا مُت؟ ولا وصلت للفلسفـة
وعجبي!
ضريح رخام فيه السعيد اندفن
وحفره فيها الشريد من غير كفن
مريت عليهم.. قلت يا للعجب
لاتنين ريحتهم لها نفس العفن
وعجبي!
خرج أبن آدم من العدم قولت: يآه
رجع أبن آدم للعدم قولت: يآه
تراب بيحيا.. وحي بيصير تراب
الأصل هو الموت ولا الحياة؟
وعجبي!
قتلوه من التعذيب وقالو انتحر
فكرت لحظه وقولت: آه ياغجر
لو جنسكم سبناه يعيش فـ الحياة
اللي انتحر راح يبقى جنس البشر
وعجبي!
دخل الشتا وقفل البيبان على البـيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تمـــوت
وعجبي!
أنا مش تبع مخلوق ياسيدنا البيه
أنا حُر في إللي يقول ضميري عليه
وان كُنت تُحكم جوا ملكوتك
الشارع الواسع فاتح لي إيديه
وعجبي!
إنسان.. أيا انسان ما أجهلك
ما أتفهك في الكون ما أضألك
شمس وقمر وسدوم وملايين نجوم
وفاكرها ياموهوم مخلوقة لك؟
وعجبي!
غمض عينيك وارقص بخفة ودلع
الدنيا هي الشابه وانت الجـــدع
تشوف رشاقة خطوتك تعـــبدك
لكن انت لو بصيت لرجليك…تقع
وعجبي!
ليل بعد ليل…ونجم ورا نجم أتحدف
وانا بغني.. لكن لوحدي للأسف
لحني الجميل مش لافي إنسان يسمعه
وياريته ما أتغنى…وياريته ما اتعرف
وعجبي!
وإليكم بعض من الرسوم الكاريكاتورية لـ”فيلسوف البسطاء” صلاح جاهين
