عمرو أديب يفضح مرتضى منصور بعد تهديده بغلق برنامجه

قال عمرو أديب في حلقة برنامج “القاهرة اليوم ” المذاع منذ أيام على فضائية “اليوم”: ” هناك حركة داخل المجلس يقودها مرتضى منصور أنه يلم توقيعات لاغلاق برنامج القاهرة اليوم.. وأنا متعود على ذلك لكن اللي ضايقني اليوم إن فيه موضوع الخدمة المدنية وأمناء الشرطة فهل قرروا جميعًا لاغلاق البرنامج؟ هل تحول المجلس لتحقيق أهداف شخصية والغريبة إنه شيء كذب.. والتوقيعات لم تكن حقيقية وهناك توقيعات مزورة فخالد يوسف ويوسف القعيد وأيمن أبو العلا كله أصاب بالذهول من التزوير”.

عمرو أديب يفضح مرتضى منصور بعد تهديده بغلق برنامجه

وأضاف عمرو أديب: ” مرتضى منصور عنده معركة شخصية ضدي.. يا خسارة يا مجلس أنا كلمت خالد يوسف قال لي أبدًا أنا ممضتش وكل اللي حصل تزوير رسمي.. والحمدلله ربنا كشف التزوير لأنه ضد الافترا وأسلوب مرتضى منصور بقى كده ومحدش عايز يقف قدامه.. وأنا هاقف اللي عايز يبقى معايا اهلًا وسهلًا”.

وتابع: ” مرتضى منصور عاوز يوقف البرنامج قبل يوم الاثنين القادم ليه؟ لأن ميدو ستتم استضافته.. واتساءل هل الشعب المصري متخيل العبث والجنان والاحساس بقوة مرتضى منصور في المجلس.. وأنا بيني وبين نفسي بقول ليه؟ ومرتضى منصور كلم الإدارة وقال إنه هايكسر الاستوديو.. احنا رجالة وعمرنا ما خفنا واتخدنا من كلام وكان غيرك اشطر وكان حازم أبو اسماعيل واقف برة وانت كنت تحت السرير والمجتمع عارف إنك احتميت عند راجل معرورف.. وكنا بنط من على السور ونعمل البرنامج أمامهم لكن أنت كنت فين ومين كان بيحميك عند مين فاكر ولا مش فاكر؟!”.

واستطرد: “حلقة ميدو هاتتعمل واتكلم مع الادارة وأنا لا يهمني وريني رجالتك وأنا تاريخي مع مرتضى منصور من تاريخ البرنامج.. وبعت لي ابنه يضربني لكن دراعي ده هو اللي بدافع به عن نفسي وعمري ما كان ورايا حد ولا هاخاف ولا هارجع ولا هاسيبك.. أنت لو تعرف كمية البشر اللي قالوا لي اوعى تسيب مرتضى منصور كمية الكره اللي ضدك كبيرة.. والناس تقوله كفاية بقى “.

وقال: “يوم البرلمان أهان مرتضى منصور قسم مجلس النواب ولا اتحول لتحقيق وحلف طلاق كالعادة.. وأنا بتساءل انت بتعالج الطلاق ده ازاي؟! إنما دراعي ده وده هو اللي معايا وأنت هاتكون أحسن من مين.. يا أخي الإخوان كانوا أشرف بكتير”.



اترك تعليقاً