كشفت الفنانة شهيرة عن سر جمالها ورشاقتها رغم تقدمها في العمر، موضحة: “ممكن الواحد يعمل حاجات كتيرة سيئة في شبابه تخليه لما يكبر العجز يظهر على وشه بسرعة زي التدخين”.
وأضافت الفنانة شهيرة خلال تصريحات تليفزيونية: “أنا طول عمري بحافظ على جمالي ورشاقتي، واللي بيحافظ في شبابه على صحته بيلاقيها لما بيكبر، وأهم حاجة أن الواحد تبقى روحه شباب طول الوقت، وصفاء القلب ونقائه بيبان على الوش، وتلاقي دايمًا الناس اللي بيبقى جواهم غل وحقد بيبان على وشهم، ولو الناس شايفاني حلوة فـ ده بسبب تصالحي مع نفسي”.
وعن أمنياتها في يوم ميلادها، قالت شهيرة: “بتمنى ربنا يحفظ أولادي وأحفادي وأشوفهم ناجحين دايمًا وبيحققوا كل اللي بيتمنوه، وإن مصر تكون بخير وفي أمن وأمان دايمًا، وربنا يحمي أبناء غزة ويجعل ليهم مخرج من أزمتهم لأنهم بيعيشوا مأساة بمعنى الكلمة ولا نملك إلا الدعاء لهم”.
جدير بالذكر أن أخر أعمال الفنان شهيرة كانت مسرحية “مصر فوق كل المِحَن” والذي عُرضت في عام 2014″.
