حورية فرغلي: اللي حصل في مناخيري ده ولا تشويه ولا تجميل

حلت الفنانة المصرية، حورية الفرغلي، ضيفة في برنامج “أنا وأنا” التي تقدمه الإعلامية سمر يسري على فضائية ON E، تحدثت عن المشكلة التي واجهتها تسببت لها في تشوية أنفها، أجرت عدة علميات بسببها.

حورية فرغلي: اللي حصل في مناخيري ده ولا تشويه ولا تجميل 1 1/4/2018 - 2:04 ص

قالت الفنانة حورية فرغلي” أنا  بحب الفروسية جداً، مثلت منتخب الإمارات في الفروسية، في يوم كنت راكبة الحصان، فا فجأة ظهروا قطتين كانوا بيتخانقوا، ف الحصان خاف منهم ونط وأنا وقعت على وشي في الهوا”.

وأضافت أيضاً” والحصان برضوا إتزحلق بسبب الحدوة، أنا مناخيري إتكسرت ورحت لكذا دكتور؛ عشان يصلحالي بس للأسف بوظلي التنفس، دلوقتي في مشكلة في التنفس، بعدها روحت لدكتور عشان خلاص مش قادرة أتنفس، عايزة  أتنفس يا جماعة مش قادرة، راح هو بوظلي شكل مناخيري”.

وأشارت أيضاً” طبعا كدا ظهرت مشكلة تانية شكل مناخيري باظ، ف روحت لدكتور تجميل؛ عشان ترجع ثاني فبوظها أكتر، كدا وصلت لدرجة إني ما بقيتش حاسة بحاجة مافيش ريحة ولا طعم”.

وأوضحت أيضاً” فضلت أسمع بفي كلام من الناس لدرجة إني خلاص كرهت نفسي وحياتي والدنيا ومابقيتش عايزها، اللي يقول ده تشويه واللي يقول دي عملية تجميل”.

وأكدت أيضاً” هما لو يعلموا الآلام المبرحة وكما أنا تدهورت نفسياً، بسبب علميات ماكنوش قالوا كدا، أنا عاملة حوالي 7 عمليات  في مناخيري، الناس يقولوا تجميل وأنا هأجمل نفسي ليه وأنا كنت واخدة ملكة جمال في 2002″.

وتابعت أيضاً” الناس بفي تقولي بقيتي بشعة وقعدي في بيتك إستفزني الكلام أوي، روحت نزلت بوست على “الفيس بوك” وقولت للناس لو إنتوا مضايقين من شكلي أنا من بكرة هاتنازل عن التمثيل، لأقيت الناس بتقولي لا إحنا بنحبك؛ عشان إنتي موهوبة وتمثيلك هايل”.

وأكدت أيضاً” أنا قولت خلاص أنا هامثل واللي مش عجبه مايتفرجش عليه، يارب يديلوه اللي عندي؛ عشان يحس بيه.


قد يعجبك أيضاً

اترك رد

لن يتم نشر عنوان بريدك الإلكتروني.