بالصور.. خطأ بالمستندات الرسمية يجعل مسلمة متزوجة من مسيحي في مصر فقط

من المعلوم في الدين بالضرورة أن الفتاة المسلمة لا يمكنها الزواج من الرجل المسيحي وفقًا لتعاليم الشريعة الإسلامية لكن هذا الأمر تحقق على المستندات الرسمية في جمهورية مصر العربية مع الفتاة ياسمين أسامة التي فوجئت أثناء استلامها بطاقة الرقم القومي من قسم أول مدينة نصر بمحافظة القاهرة بأنه مدون فيها أنها متزوجة من مواطن يدعى ابراهيم موريس شفيق ميخائيل.

ياسمين مسلمة متزوجة بخطأ رسمي من مسيحي

ياسمين أسامة نشرت الخطأ على حسابها الرسمي بموقع التواصل الاجتماعي وعلقت تقول ” روحت استلم البطاقة النهاردة كنت بجددها باركولي يا جماعة ويا ريت اللي يعرف استاذ ابراهيم موريس يقول له يطلقني عشان مش هينفع ?? #قسم_اول_مدينة_نصر.. #الشرطة_في_خدمة_الشعب لدرجة انها بتحل ازمة الجواز كمان ????”.
وحاز ما نشرته على كمية ضخمة من السخرية وعلى أكثر من ثلاثة الف و400 إعجاب، و1836 مشاركة، ومن أبرز الردود التي جاءت على مشاركتها:

” هوه الغريب أن الصورة حلوه فتقريبا استغربوا فعملوا الغلطة دى عشان تعديها تانى”.
” مش كفايه انك طالعه بتضحكي..ايه الطمع ده”.
“على فكره يا مدام الراجل ده مش هينفع يطلق شفهية ده لازم عند مأزون”
“لا الف مبروك وكمان متجوزة مسيحى يعنى مش بس جوزوكى لا ده كمان جوزوكى من ملة تانية”.
“كمان محجبه ومتجوزه مسيحى ياسبحان الله بلد العجايب”.
“اللي خلها تتضحك فالبطاقه وتكسر قعده ال 90مليون مصري ? يخليها تتجوز مسيحي?”.
“ألف مبروك! والله فرحت لك زى فرحتى لما جإلى من الوزارة جواب ترقية بعد جواب قبول إستقالتي بستة أشهر.. ومش عارف ح يبعتوا جوازات سفر عيالك مصطفي وميخائيل على عنوان مين فيكم إنت ولا إبراهيم…”.
“ياجماعه والله موظفين بيبقوا قاعد يشربوا جلز مش شاي رحت اجدد بطاقتي لقيت ورا مكتوب حاصل على معهد فني صناعي ياعم انا اعلام مش معهد صناعي الموظف بيقولي ياعم ماتدقش كله محصل بعضه مهم بعد جبت استماره وصلحوها”.


اترك رد

لن يتم نشر عنوان بريدك الإلكتروني، وهو غير مطلوب للتعليق لكن يوفر لك وسيلة للتنبيه في حال قيام شخص بالرد على تعليقك.