المطرب المعتزل فارس حميدة يعلق على خبر وفاة مؤدي المهرجانات “كلوشه” ويوجه رسالة نارية لأصحاب هذا المجال | صور
علق فارس حميدة المطرب المعتزل على خبر وفاة مؤدي المهرجانات كلوشه، ووجه رسالة إلى أصحابه في هذا المجال عبر صفحته الرسمية على موقع التواصل الاجتماعي الشهير فيسبوك.
وكتب على موقع التواصل فيسبوك: فجأة لقيت الفيس عندي كله صور “السيد احمد”الشهير ب (كلوشه) وصحابه بيترحموا عليه ومش مصدقين انه مات واوتضحلي إن السيد عليه رحمة الله كان ليه مهرجانات مشهورة في الفترة الاخيرة وزي ما حضراتكم شايفين شاب زي العسل اللهم انزل على قلوب اهله السكينة والصبر والسلوان واسأل الله أن يتقبله من الصالحين وأن يحشره مع النبيين والصديقين والشهداء… نسألكم خالص الدعاء لأخونا السيد احمد ومن البوست دا انا بوجه رسالة لكل اصدقائي واحبابي والناس اللي كلت معاهم عيش وملح في هذا المجال “مجال الغناء”.
مضيفاً: اخي الموت اقرب إليك من النفس اللي بتتنفسه فجأة هتلاقي نفسك في قبرك لوحدك الموت مبيفرقش بين صغير وكبير رزقك مكتوبلك واللي هتاخده هنا هو هو اللي لو اتقيت ربنا وتركت الحرام لله ربنا هيعوضك بأضعاف أضعافه لكن بالحلال قال الله تعالى ﴿وَلَو أَنَّ أَهلَ القُرى آمَنوا وَاتَّقَوا لَفَتَحنا عَلَيهِم بَرَكاتٍ مِنَ السَّماءِ وَالأَرضِ﴾ لو قلقان من رزق فا اللي رزقك في معصيته هيسيبك وانت في طاعته؟!!.
واختتم: اخي احذر من السيئات الجارية هتموت وياتسيب وراك عمل صالح تاخد عليه حسنات حتى وانت ميت ويا تسيب عمل غير صالح تاخد عليه سيئات حتى وانت ميت احذر يا صديقي القبر له حسابات تانية والأخرة خيرٌ وابقى ﴿وَمَا الحَياةُ الدُّنيا إِلّا لَعِبٌ وَلَهوٌ وَلَلدّارُ الآخِرَةُ خَيرٌ لِلَّذينَ يَتَّقونَ أَفَلا تَعقِلونَ﴾.
